རྒྱ་ནག་དངོས་གནས “གྱོང་བ་ལ” རེད་དམ།

Screen Shot 2018-05-06 at 10.37.58
པར་གཞན་ནས་བཤུས།

ཨ་རྒྱའི་བར་ཚོང་དམག་གི་གཡུལ་འགྱེད་བརྩམས་མ་ཐག ཟླ་འགའི་སྔོན་རྒྱལ་ཁབ་ཧྲིལ་བོས་དགའ་འབོད་བྱས་པའི“གྱོང་བ་ལའི”རྒྱ་ནག་ཏུ་ཟིང་ཆ་མི་ཆུང་བ་ཞིག་ལངས་ཡོད།

ཨ་རིའི་སྲིད་འཛིན་ཊོམ་ཕུ་མཆོག་གིས་ཚོང་དམག་གི་གཡུལ་མགོ་བསླངས་རྗེས། རྒྱ་ནག་ནང་ཁུལ་དུ་རྩོད་པའི་ཟིང་ཆ་བསླངས་པ་མ་ཟད། གཅིག་བགྱིས་ན་མཐོ་རིམ་དབུ་ཁྲིད་ཚོ་མ་མཐུན་མ་འཆམ་པའི་དབང་ཆ་འཐབ་རྩོད། ཡང་ན་ལམ་ཕྱོགས་འཐབ་རྩོད། ཡང་ཡང་ན་ལྟ་གྲུབ་འགལ་ཟླ་སོགས་བྱུང་ཡོད་པ་ནུབ་གླིང་གི་སྨྱན་བྱེད་གཙོ་གྲས་ཁག༼ནིའུ་ཡོག་དུས་བབ༽དང༼ཝོལ་སྲང་ལམ༽། ༼རོའེ་ཊིར༽སོགས་ཀྱིས་དོ་སྣང་བྱས་འདུག མུ་མཐུད་ཀློག

Advertisements

སློབ་གསོ་ར་བར་བཅུགས་པའི་ཡུ་གུར་བའི་གྲངས་འབོར་ནཱ་ཚི་གཅིག་བསྡུས་ར་བ་ལས་ཀྱང་མང་།

de2e7eac-b555-4653-8549-b95700f7ad7e
ཞིན་ཅང་གི་ཆབ་སྲིད་སློབ་གསོའི་ར་བ། པར་ཨེ་རླུང་ནས་བཤུས།

ཨ་རིའི༼ཕྱི་འབྲེལ་སྲིད་ཇུས༽ཞེས་པའི་དུས་དེབ་སྟེང་རྩོམ་ཡིག་རིང་པོ་ཞིག་སྤེལ་ཏེ། རྒྱ་ནག་གིས་ཞིན་ཅང་ས་ཁུལ་དུ་ཆབ་སྲིད་སློབ་གསོ་ར་བ་ཟེར་བ་བཙུགས་ནས་རིགས་ཚོགས་གཙང་སེལ་བྱས་དང་བྱེད་ཀྱིན་པའི་ལས་འགུལ་ལ་དབྱེ་ཞིབ་བྱས་པའི་གྲུབ་འབྲས་སུ་། ད་ལྟ་ཞིན་ཅང་གི་ཆབ་སྲིད་སློབ་གསོ་ར་བར་བཅུགས་པའི་ཡུ་གུར་བའི་གྲངས་འབོར་འཇར་མཱ་ནེ་ནཱ་ཚི་གཅིག་བསྡུས་ར་བ་ལས་ཀྱང་མང་ཞེས་བཀོད་ཡོད་པ་རེད།

རྩོམ་ཡིག་འབྲི་མཁན་ནི་སྐུ་ཞབས་རེན་ཐུམ་ལགས་ཡིན་པ་དང་། རྩོམ་ཡིག་གི་མགོ་བརྩམས་མ་ཐག་གི་ཐིག་ཕྲེང་དང་པོ་རུ། ད་ཡོད་ཡུ་གུར་བ་དར་མའི ༥% ནས ༡༠% ཞིན་ཅང་ས་ཁུལ་ཀུན་ཏུ་ཁྱབ་པའི་ཆབ་སྲིད་སློབ་གསོ་ར་བར་བཅུགས་འདུག ཅེས་བྲིས་ཡོད་པ་རེད། མུ་མཐུད་ཀློག

ཨ་མེ་རི་ཀ་སྔར་བཞིན No 1 ཡིན།

index
པར་གཞན་ནས་བཤུས།

ཨ་མེ་རི་ཀ་རྒྱལ་སྤྱིའི་སྒྲིག་འཛུགས་འགའི་ཁོངས་ནས་ངོ་རྒོལ་གྱི་རྣམ་པས་ཕྱིར་བུད་རྗེས། ནུབ་གླིང་མནའ་གྲོགས་རྒྱལ་ཁབ་ཚོར་མཚོན་ན་མི་འདོད་བཞིན་དུ་ཅི་བྱ་གཏོལ་མེད་ཀྱི་གནས་སུ་ལྷུང་ཞིང་། ཨ་རིའི་སྤྱོད་ཚུལ་དེས་བཤད་ཚུལ་སྣ་ཚོགས་ཤིག་བསླངས་ཡང་། སྐུ་ཞབས་ཊོམ་ཕུ་ཕོ་བྲང་དཀར་པོའི་བདག་པོར་གྱུར་བ་ནས་ཕྱིར་བུད་པའི་རྒྱལ་སྤྱིའི་སྒྲིག་འཛུགས་དེ་དག་ལ་རེ་རེ་བཞིན་དབྱེ་ཞིབ་ཅིག་བྱས་ཚེ། ཨ་རི་སྔར་བཞིན No 1 ཡིན་པ་གསལ་བོ་རེད། མུ་མཐུད་ཀློག

ལྷ་དཔལ་རྒྱལ་ལགས་ལ་འཁྲབ་ཁྲིད་པ་རྩེ་གྲས་ཀྱི་བྱ་དགའ་ཐོབ།

2
པར་གཞན་ནས་བཤུས།

བོད་རིགས་གློག་བརྙན་འཁྲབ་ཁྲིད་པ་སྐུ་ཞབས་ལྷ་དཔལ་རྒྱལ་ལགས་ལ་སྐབས ༡༢ པའི FIRSTན་གཞོན་གློག་བརྙན་འགྲེམས་སྟོན་གྱི་འཁྲབ་ཁྲིད་པ་རྩེ་གྲས་ཀྱི་བྱ་དགའ་ཐོབ་ཡོད་པ་རེད།

དེ་ཡང་མཚོ་སྔོན་གསར་འགྱུར་དྲྭ་བས་སྤེལ་བའི་གནས་ཚུལ་ནང་། སྤྱི་ཟླ ༧ པའི་ཚེས ༢༧ གྱི་དགོང་མོར། སྐབས ༡༢ པའི FIRSTན་གཞོན་གློག་བརྙན་འགྲེམས་སྟོན་གྱི་བྱ་དགའ་འདེགས་འབུལ་གྱི་དགོང་ཚོགས་དེ་མདོ་སྨད་མཚོ་སྔོན་ཟི་ལིང་གྲོང་ཁྱེར་གྱི་མཚོ་སྔོན་པོ་ཟློས་གར་ཁང་དུ་བསྐོངས་ཡོད་པ་དང་། མུ་མཐུད་ཀློག

བོད་ཀྱི་གློག་བརྙན༼ལག་དམར༽ ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་དུ་ཚུད།

unnamed.jpg
པར་གཞན་ནས་བཤུས།

བོད་ཀྱི་གློག་བརྙན་འཁྲབ་ཁྲིད་པ་གྲགས་ཅན་སྐུ་ཞབས་པདྨ་ཚེ་བརྟན་ལགས་ཀྱིས་འཁྲབ་ཁྲིད་གནང་བའི་བོད་ཀྱི་གློག་བརྙན༼ལག་དམར༽ཞེས་པ་ཨེ་ཊ་ལེའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་དུ་ཚུད་འདུག

དེ་ཡང་སྤྱི་ཟླ ༧ པའི་ཚེས ༢༥ ཉིན་གསལ་བསྒྲགས་བྱས་པའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་སྐབས ༧༥ བའི་འགྲན་ཞུགས་སུ་ཚུད་པའི་བརྩམས་ཆོས་ཐོ་ཡིག་ལས་ཤེས་གསལ་ལྟར་ན།   ཙིག་ཏོང(泽东)གློག་བརྙན་ཕབ་སྐྲུན་ཁང་གིས་ཕབ་བསྐྲུན་དང་སྐུ་ཞབས་པདྨ་ཚེ་བརྟན་ལགས་ཀྱིས་འཁྲབ་ཁྲིད་གནང་བའི་བོད་སྐད་གློག་བརྙན༼ལག་དམར༽ཞེས་པ་ད་ལོའི་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་གྱི༼གནམ་ས་འབྲེལ་མཚམས༽ཞེས་པའི་རྟིང་རྩོད་སྡེ་ཚན་དུ་ཚུད་ཡོད་ཅིང་། འདི་ནི་ལོ་གསུམ་གྱི་སྔོན་པདྨ་ཚེ་བརྟན་ལགས་ཀྱི་གློག་བརྙན༼ཐར་ལོ༽ཞེས་པ་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་དུ་ཚུད་པའི་རྗེས་སུ། ཁོང་གིས་འཁྲབ་ཁྲིད་གནང་བའི་གློག་བརྙན་ཝེ་ནཱ་སི་རྒྱལ་སྤྱིའི་གློག་བརྙན་དུས་སྟོན་དུ་ཚུད་པའི་གློག་བརྙན་གཉིས་པ་དེ་ཡིན། མུ་མཐུད་ཀློག

ཊོམ་རིང་ལུགས། ཞི་དགོངས་པ།

 

——ཊོམ་དང་ཞིའི་ངང་ཚུལ་ལས་ཨ་རྒྱའི་གནས་བབ་གླེང་བ།

Screen Shot 2018-07-16 at 13.01.45.png
པར་གཞན་ནས་བཤུས།

ཆད་ཆད་མཐུད་མཐུད་ཀྱི་ཨ་རྒྱའི་ཚོང་དམག་ཇེ་ཚ་ཇེ་དྲག་ཏུ་འགྲོ་བཞིན་པའི་སྒང་དང་། རྒྱ་ནག་གི་མ་རྐང་ཁྲོམ་ར་ཆག་ནས་དྲེད་མོང་ཁྲོམ་རར་ཆགས་པའི་སྒང་ལ། རྒྱ་ནག་གི་ནང་སྲིད་དང་ཕྱི་འབྲེལ་གྱི་ཐད་ན་རྣམ་པ་གསར་བ་གསུམ་བྱུང་ཡོད་ལ། དེ་ཡང་ཞི་ཅིང་ཕེང་གིས་ཡོ་རོབ་ཀྱི་ཚོང་ལས་མགོ་གཙོ་སྐོར་ཞིག་དང་མཇལ་མོལ་སྐབས། ནུབ་གླིང་བར་གདོང་གཡོན་པར་འགྲམ་ལྕག་བཞུས་ན་གདོང་གཡས་པ་བསྲིང་ནས་འགྲམ་ལྕག་རྒྱག་ཏུ་འཇུག་དགོས་ཞེས་པའི་རིག་གནས་ཤིག་ཡོད་པ་ནང་བཞིན། ང་ཚོ་ལ་དགྲ་ལ་དགྲ་ལན་དང་ཀི་ལན་ཀི་ལན་ཟེར་བའི་རིག་གནས་ཤིག་ཡོད་ཅེས་པའི་ངར་ཤེད་ཆེ་བའི་སྨྲ་བརྗོད་དེས་རྒྱལ་སྤྱིའི་སྤྱི་ཚོགས་ཁྲོད་རྩོད་པ་གསར་བ་ཞིག་བསླངས་ཡོད་པ་དང་གཅིག རྒྱ་ནག་དྲིལ་བསྒྲགས་ལྷན་ཁང་གི་བཀའ་ཁྱབ་ལྟར་སྨྱན་བྱད་རིགས་ཀྱིས་རྒྱ་ནག་གི་བཟོ་སྐྲུན ༢༠༢༥ གླེང་མཚམས་བཞག་པ་དང་གཉིས། ཉེ་ལམ་རྒྱ་ནག་གཞུང་གིས་ཏང་སྲིད་དམག་གསུམ་དང་ས་གནས་མངའ་བདག་བཅས་ལྷན་འཛོམས་ཀྱི་ཚད་མཐོའི་ཕྱི་འབྲེལ་ཚོགས་ཆེན་ཞིག་བསྐོངས་ནས་ཞི་ཅིན་ཕེང་གི་ཕྱི་འབྲེལ་དགོངས་པ་ཟེར་བའི་བླ་ན་མེད་པའི་གོ་ས་གཏན་འབེབས་བྱས་ཡོད་པ་བཅས་ཡིན། མུ་མཐུད་ཀློག

སྦྲུལ་མདུད་སྦྲུལ་བཤིག

——ཨ་རྒྱའི་ཚོང་དམག་ལེའུ་བདུན་པ།

Screen Shot 2018-06-25 at 09.28.16.png
པར་གཞན་ལས་བཤུས།

ཁྲོ་རྒན་དང་ཁེམ་རིལ་གྱི་མཇལ་མོལ་ནས་ཚིག་མགོ་བརྩམས་ན་བསམ་བྱུང་། ཁེམ་རིལ་གྱིས་གང་གི་བློ་གྲོས་དང་རྣམ་དཔྱོད་ཀྱི་རྩལ་ལ་བརྟེན་ནས་སིངྒ་ཕོའི་མཇལ་མོལ་བརྒྱུད་རྒྱལ་ཁབ་གྱི་ཉེན་ཁ་སེལ་ཞིང་། མཇལ་མོལ་ཐེངས་གཅིག་གིས་ལོ་མང་རིང་བསགས་ཀྱང་ལྷག་པའི་ཨ་རི་དང་བྱང་ཀོ་རེ་ཡའི་འགལ་ཟླ་སེལ་བ་དང་ཆབས་ཅིག རྒྱ་ནག་དང་ཨོ་རུ་སུ། ཉི་ཧོང་། ལྷོ་ཀོ་རེ་ཡ་བཅས་ཀྱི་འབྲེལ་བའང་ཇེ་བཟང་དུ་བཏང་། དེ་ནི་ཁེམ་རིལ་གྱི་སྤྱང་ཞིང་གྲུང་པོའི་བློ་རིག་གི་ཁར་འཛམ་གླིང་ཁྱོན་ཡོངས་ཀྱི་ཆབ་སྲིད་གནས་བབ་ལ་མཐིལ་མཐོང་གི་རྟོགས་པ་བསྣན་ནས་བྱུང་བའི་གྲོལ་དེ་ཡིན་ཞིང་། ཞི་བདེའི་གྲོས་མོལ་གྱི་ལམ་ནས་ཕྱིའི་ཉེན་ཁ་མཐའ་དག་བདེ་བླག་ངང་སེལ་བའི་མ་ཚད་ལོ་བཅུ་ཕྲག་འགར་རྒྱལ་ཁབ་དང་མི་དམངས་མུ་གེས་བསྡམས་ནས་བསྐྲུན་པའི་རྡུལ་ཕྲན་མཚོན་ཆ་ལ་བློ་ཡུལ་ནས་འདས་པའི་རིན་གུང་ཆེན་པོ་རེག་ཡོད་ལ། ཁེམ་རིལ་གྱིས་བསྟུད་མར་རྡུལ་ཕྲན་མཚོན་ཆ་ཚོད་ལྟ་བྱེད་དོན་ཡང་རིན་གུང་ཡག་པོ་ཞི་རེག་རྒྱུའི་སླད་དུ་ཡིན་པར་ངོས་འཛིན་བྱ་རུང་། མུ་མཐུད་ཀློག