ཞི་ཅིན་ཕེང་གིས་སྲིད་དབང་བཟུང་ནས་ལོ་གཉིས་ཀྱི་རྗེས་སུ། ཁོང་ཉིད་རྒྱ་ནག་གི་ཆབ་སྲིད་པ་རྩེ་གྲ་དེ་ཡིན་པའི་གོ་ས་སྲ་བརྟན་ངང་སྲུང་ཐུབ་ཡོད། ཁོང་ནི་མའོ་ཙེ་ཏུང་དང་ཏིན་ཞོ་ཕེང་གི་རྗེས་སུ་བྱུང་བའི་དབང་ཤུགས་ཅན་གྱི་འགོ་ཁྲིད་ཞིག་ལ་རྒྱལ་སྤྱིའི་སྤྱི་ཚོགས་ཀྱིས་ངོས་འཛིན་བྱས་ཡོད། ཡིན་ན་ཡང་། ཁོང་གི་གཡས་དང་གཡོན་ན་མི་སྒེར་ལ་དད་བཀུར་གྱི་རྣམ་པའང་རིམ་གྱིས་གྲུབ་ཀྱིན་ཡོད། → མུ་མཐུད་ཀློག

ཨ་སྒོར་ས་ཡ་གཅིག་དང་འབུམ་གཅིག་གི་བྱ་དགའ་ཅན་གྱི་ནོ་བྷེལ་ཞི་བདེའི་གཟེངས་རྟགས་ནི་འགྲོ་བ་མིའི་འཇིག་རྟེན་འདིའི་གཟེངས་རྟགས་མཐོ་ཤོས་སུ་ངོས་འཛིན་བྱས་ཡོད། ཕྱི་ལོ་༢༠༡༤ལོའི་ནོ་བྷེལ་ཞི་བདེའི་གཟེངས་རྟགས་དེ་ཁ་ཆེའི་ཡུལ་གྲུ་ཁག་གི་བུད་མེད་ཀྱི་སློབ་གསོའི་ཐོབ་ཐང་རྩོད་སྙེག་མཁན་པཱ་ཀི་སི་ཐན་གྱི་ལོ་ན ༡༧ ཅན་གྱི་བུ་མོ་མཱ་ལཱ་ལཱ ཡོ་སཱ་ཧྥི་ཛ་ཡེ་དང་། ལོ་མང་རིང་འཛམ་གླིང་ཡོངས་སུ་བྱིས་པ་ངལ་རྩོལ་བ་གཏན་འགོག་གི་ལས་འགུལ་སྤེལ་མཁན་རྒྱ་གར་བ་སྐུ་ཞབས་ཀེ་ལཱ་ཞི སཱ་ཏེ་ཡ་ཐེ་གཉིས་ལ་ཐོབ་ཡོད།
མཱ་ལཱ་ལཱ་ཡི་ངོ་མཚར་ཆེ་བའི་མྱོང་བ་ཡིས་ལོ་ཆུང་བུ་མོ་དེ་ལོ་རྒྱུས་ཀྱི་བྱུང་རབས་མཆིས་པ་ནས་ནོ་བྷེལ་ཞི་བདེའི་གཟེངས་རྟགས་ཐོབ་མཁན་ལོ་ན་ཆུང་ཤོས་སུ་གྱུར། → མུ་མཐུད་ཀློག

༄༅༎ བོད་དོན་གྱི་མདུན་ལྗོངས་དང་བོད་དོན་ཐག་གཅོད་བྱ་རྒྱུར་རྒྱ་ནག་དམངས་གཙོ་ཅན་དུ་འགྱུར་རྒྱུར་འབྲེལ་བ་ཡོད་མེད་སོགས་ཀྱི་ཐད། སྟག་ལྷ་རྒྱལ་གྱིས་བོད་ཀྱི་ཉེ་རབས་ལོ་རྒྱུས་ཆེད་མཁས་བ་ལྕམ་ལའེ་ཇང་ལེན་ལ་བཅར་འདྲི་ཞུས་པར་གསན་རོགས་ཞུ།

→ མུ་མཐུད་ཀློག

ཚའོ་ཁྲང་ཆིན་གྱིས་བརྩམས།     འབྲོག་མྱིས་བསྒྱུར།

བོད་དོན་ནི་ཐོག་མཐའ་བར་གསུམ་དུ་རྩོད་པ་ཅན་གྱི་གླེང་གཞི་ཞིག་ཡིན། མཚོ་འགག་གཉིས་ཀྱི་རྒྱ་ནག་སྲིད་གཞུང་དང་བཙན་བྱོལ་བོད་གཞུང་གིས་གནད་དོན་དེའི་ཐད་རྦད་དེ་མི་མཐུན་པའི་ལྟ་ཚུལ་བཟུང་ཡོད་པ་མ་ཟད། རྒྱ་མཚོ་ཕྱི་ནང་གི་རྒྱ་ནག་པའི་ཁྲོད་དུའང་དེ་ལ་ལྟ་ཚུལ་ཐ་དད་བཟུང་ཡོད། ལྟ་ཚུལ་ཐ་དད་སྣ་ཚོགས་ཤིག་ཡོད་པ་དེ་དག་གི་བྱུང་རྐྱེན་ནི། གཙོ་བོ་མི་རྣམས་ཀྱིས་བོད་ཀྱི་ལོ་རྒྱུས་དང་ད་ལྟའི་གནས་སྟངས་ཐད་ཀྱི་རྒྱུས་ལོན་ཚད་རིམ་དང་བཀོལ་སྤྱོད་བྱས་པའི་རིན་ཐང་ཚད་ཐིག་དང་རག་ལས་ཡོད། དེའི་རྐྱེན་གྱིས། བོད་ཀྱི་གནད་དོན་གླེང་སློང་སྐབས་སུ། → མུ་མཐུད་ཀློག

༄༅། །ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ་༦༥འཁོར་བའི་སྐྱེས་སྐར་ དེ་ཧོང་ཀོང་མི་སེར་གྱི་ཚ་ཚ་འུར་འུར་དུ་འབར་གྱིན་པའི་བཀའ་གྱེན་ལྡོག་གི་ངོ་ རྒོལ་མེ་ལྕེ་ཁྲོད་བསུ་དགོས་པར་ཐུག་ཡོད་པ་དང་། ལོ་ངོ་༢༥འི་ཡར་སྔོན་དུ། ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་བཙུགས་ནས་ལོ་༤༠འཁོར་བའི་དགའ་སྟོན་གྱི་ སྐབས་སུའང་པེ་ཅིང་གནམ་བདེ་སྒོ་མོ་ཆེ་ཐང་ཆེན་དུ་དམངས་གཙོའི་ལས་འགུལ་ལངས་པ་ རེད།  སྐབས་དེ་དང་མཚུངས་པའི་སློབ་མ་གཙོ་བོར་གྱུར་བའི་ཐེངས་འདིའི་ཧོང་ཀོང་གི༼ཆར་ གདུགས་གསར་བརྗེ ༽འདི་དང་དེ་དུས་ཀྱི༼དྲུག་བཞི ༽ དོན་རྐྱེན་གཉིས་ལ་འདྲ་བའི་ཆ་དང་མི་འདྲ་བའི་ཆ་ག་ཚོད་ཡོད་པ་དང་། དེ་བཞིན། ལོ་ངོ་༥༥འི་ཡར་སྔོན་དུ། ལྷ་སའི་གྱེན་ལངས་ལ་ཁ་གཡར་ནས་རྒྱ་གཞུང་གིས་ལྷ་ས་ས་གནས་སྲིད་གཞུང་ཟེར་བ་སྒོ་ བརྒྱབས་པ་དེ་རྒྱལ་ཁབ་གཅིག་ལ་ལམ་ལུགས་གཉིས་ཞེས་པར་ཕམ་ཁ་བྱུང་བ་རེད་དམ། ཡང་ན། ཆབ་སྲིད་ཀྱི་གཡོ་སྒྱུ་དེ་མཇུག་བསྡུས་པ་རེད། དེ་བཞིན་དུ་རྒྱལ་ཁབ་གཅིག་ལ་ལམ་ལུགས་གཉིས་ཞེས་པ་དེ་ནི་གནས་སྐབས་ཀྱི་གནད་དོན་ གང་ཞིག་བཤོལ་འཇགས་ལ་དམིགས་པའི་ཆབ་སྲིད་གཡོ་ཐབས་ཤིག་ལས་ཡུན་གཏན་རིང་བཞིན་ཅན་ གྱི་ཆབ་སྲིད་རིགས་པ་ཞིག་མིན་པ་ལ་སོགས་པའི་ཐད། སྟག་ལྷ་རྒྱལ་གྱིས་འབྲེལ་ཡོད་མི་སྣ་དང་བགྲོ་གླེང་ཞུས་པར་གསན་རོགས་ཞུ༎

གཙང་བོ་ཞིག་གི་ཕར་ངོགས་ཀྱི་རྒྱ་ནག་སྐམ་ས་ཆེན་པོ་ན། འདས་པའི་ཉིན་ཤས་རིང་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་དབུ་བརྙེས་ནས་ལོ ༦༥ འཁོར་བའི“བཅུ་བའི་དགའ་སྟོན”ལ་རོལ་ནས། དབུས་དང་གཞི་རིམ་རྒྱལ་ཡོངས་གང་སར་དགའ་བའི་གླུ་དང་སྐྱིད་པའི་གར། བསྟོད་པའི་ཚིག་དང་བསྔགས་པའི་བརྗོད་པ་རི་ལུང་ཀུན་ཏུ་ཁྱབ་ཅིང་། མེས་རྒྱལ་གྱི“གོང་སེང་རིང་པོའི”སྤྲོད་སྐྱིད་ཀྱི་རྣམ་པ་དེ་དང་། ས་གནས་ཧོང་ཀོང་མི་མང་གི“དམངས་གཙོ་ངོ་མ་ཞིག”རྩོད་ལེན་ཆེད་ཆར་ཆུའི་ཁྲོད་ཆར་གདུགས་བཀར་ནས་སྲང་ལམ་དུ་ངོ་རྒོལ་བྱེད་ཀྱིན་པའི་ངང་ཚུལ་གཉིས་ལ་དགའ་སྐྱོའི་ཧེ་བག་ཆེན་པོ་ཤོར་ཡོད། → མུ་མཐུད་ཀློག