ཕ་སྐད་ཀྱི་ལས་དབང་།

——ཐོབ་ཐང་རྩོད་ལེན་པ་བཀྲ་ཤིས་དབང་ཕྱུག་གི་སྙིང་སྟོབས་གླེང་བ།

Screen Shot 2018-01-07 at 18.26.38.png
བཀྲིས་དབང་ཕྱུག པར་ནིའུ་ཡོག་དུས་བབ་ནས་བཤུས།

ཚོང་ལས་ཙག་ཙིག་གཉེར་བཞིན་པའི་བོད་མི་ཚོང་པ་ཞིག་གིས་རང་གི་ལྷན་སྐྱེས་ཀྱི་འོས་འགན་ལྟར་ཕ་སྐད་ལ་སྲུང་སྐྱོབ་ཀྱི་ལས་དག་ཁུར་ལེན་བྱས་པ་ཙམ་དང་། རྩ་ཁྲིམས་དང་བཅའ་ཁྲིམས་སུ་མངའ་བའི་ཁྲིམས་ལུགས་ལྟར་སྐད་ཡིག་སློབ་སྦྱོང་དང་བཀོལ་སྤྱོད་ཀྱི་ཐོབ་ཐང་རྩོད་ལེན་བྱས་པའི་བྱུང་བ་ཨ་རིའི་སྨྱན་བྱེད་གྲགས་ཅན༼ནིའུ་ཡོག་དུས་བབ༽ལ་བརྗོད་པ་ཙམ་ལ་རྐྱེན་བྱས་ཏེ། ལོ་གཉིས་ལྷག་ལ་ཁྲིམས་འགལ་བཙོན་འཇུག་བཀག་ཉར་གྱི་རྗེས་སུ། ཟླ་འདིའི་ཚེས ༤འི་ཉིན།  བཀྲ་ཤིས་དབང་ཕྱུག་ལགས་ལ་ཁྲིམས་དཔྱོད་བྱས་ཡོད་པ་དང་། བཀྲ་ཤིས་དབང་ཕྱུག་ལགས་ཀྱིས་ཁྲིམས་དཔྱོད་སྐབས། “གང་གི་བྱ་སྤྱོད་ནི་རྒྱལ་ཁབ་ཀྱི་དབང་བསྒྱུར་ལ་ངོ་རྒོལ་མིན་ལ་ངན་སྐུལ་བྱས་པའང་མིན” ཞེས་རང་གིས་རང་ལ་དག་འབུད་བྱས་འདུག

བཀྲ་ཤིས་དབང་ཕྱུག་ལགས་ད་ལྟ་ཕོ་ལོ ༣༢ ཡིན་ཞིང་། ཆུ་ཚོད་འགའི་རིང་གི་ཁྲིམས་དཔྱོད་དེ་ཁོང་གི་ཕ་ཡུལ་རྒ་སྐྱེ་རྒུ་མདོ་རུ་སྤེལ་འདུག རྒ་སྐྱེ་རྒུ་མདོ་མཚོ་སྔོན་ཞིང་ཆེན་གྱི་ཁོངས་སུ་གཏོགས་ཤིང་།   ལོ་གཉིས་ཀྱི་སྔོན་ལ་ཉེན་རྟོག་པས་བཀྲ་ཤིས་དབང་ཕྱུག་ལགས་འཛིན་བཟང་དང་བཀག་ཉར་བྱས་པ་རེད། མུ་མཐུད་ཀློག

Advertisements

གྲོག་མ་རྒྱུགས་གྱངས་མང་ན། རྐང་ལག་ཐང་ཆུར་འབྱར་བ།

____རྒྱ་ནག་གི་མངོན་ལྐོག་རྐྱ་འཐབ་པའི་ཆབ་སྲིད་རིག་གནས་ཀྱི་མཇུག་འབྲས་གླེང་བ།

Screen Shot 2017-12-31 at 21.02.48.png
འཕྲད་དར་དེའི་སྟེང་དུ་ཁཱོན་ཙི་སློབ་གླིང་མི་དགོས་ཞེས་བཀོད་འདུག

ང་རྒྱལ་གྱིས་རང་ཚུལ་བརྗེད་པའི་རྒྱ་ནག་དེང་གཞུང་གི་འཛམ་གླིང་གང་སའི་དམངས་གཙོའི་རྒྱལ་ཁབ་དང་ཡུལ་གྲུ་དག་ན་ནུབ་གླིང་གི་རིན་ཐང་ལྟ་བར་གནོན་གཙིར་དང་། དམངས་གཙོའི་ལམ་ལུགས་གཏོར་བཤིག་སླད་བརྩམས་པའི་སྤྱོད་ངན་གྱིས་མི་རྣམས་པའི་དོགས་པ་བསླངས་ཡོད།
རྒྱ་ནག་གིས་ཕོན་ཆེ་བའི་འཛད་སྤྱོད་ཁྲོམ་ར་སླུ་ཟན་དུ་བཀོལ་ཕྱིར་ཨ་མེ་རི་ཀའི་རྩེ་གྲའི་ཁེ་ལས་ཁག་ཅིག་རྒྱ་གཞུང་གི་སླུ་བྲིད་འོག་ཚུད་ཡོད་ལ། བརྗེ་རེས་ཀྱི་ཚུལ་དུ། ཀུ་ཤུ་དང་ལིན་ཀི་ཨེན(LindedIn)ལྟ་བུའི་ཁེ་གཉེར་ལས་ཁང་གིས་རྒྱ་ནག་གཞུང་གི་སྒྲིག་སྲོལ་ལ་གཙི་སྲུང་བྱེད་རྒྱུ་ཁས་བླངས་ཡོད་པས། དེ་ནི་ཞིབ་བཤེར་ལམ་ལུགས་ལ་མགོ་བོ་བསྒུར་བ་ལས་གཞན་འགྲེལ་བཤད་མེད། མུ་མཐུད་ཀློག