སྤྱང་དར་མ་རྙི་ལས་ཤོར་འདྲའི་རྟ་རྒོད་རུ་ཤོར་ཀུའོ་ཝེན་ཀུས་ཀྱི་ལྐོག་མཚང་རྗེན་འབྱིན་གྱི་བྱ་སྤྱོད་དེ་འགོག་སླད། རྒྱ་ནག་གཞུང་གིས་ཞི་དྲག་གཉིས་ཀས། མངོན་ལྐོག་གཉིས་ཀས། ཕྱི་ནང་གཉིས་ཀས་ཐབས་ཤེས་ཡོད་རྒུ་འཐེན་ཡང་ད་བར་དུ་ཁོག་མེད་ལ། ཀུའོ་ཝེན་ཀུས་ཀྱི་ངང་ཚུལ་ལ་གཞིགས་ན། ཏང་གི་ཚོགས་ཆེན ༡༩ བའི་སྔོན་དུ་ཕལ་ཆེར་ཁོག་དཀའ་བ་འདྲ། ཚོགས་ཆེན ༡༩ པ་དེ་ད་ལོའི་སྤྱི་ཟླ ༩ བའི་ནང་འཚོགས་གཏན་ཁེལ་ཡོད་པ་དང་། ཀུའོ་ཝེན་ཀུས་ཀྱིས་སྤྱི་ཟླ ༨ པའི་ནང་རྒྱལ་སྤྱིའི་གསར་འགོད་གསལ་བསྒྲགས་ཆེན་མོ་འཚོགས་རྒྱུ་ཡིན་པ་གཏན་ཁེལ་དང་གསལ་བསྒྲགས་བྱས་ཟིན་པ་རེད།ལྐོག་གྱུར་ཕྱུག་བདག་ཀུའོ་ཝེན་ཀྱིས་སྤྱི་ཚོགས་སྨྱན་བྱད་བརྒྱུད་ནས་རྒྱ་ནག་དམར་གཞུང་གི་མཐོ་རིམ་དབུ་ཁྲིད་སྐོར་ཞིག་གི་ལྐོག་མཚང་བར་མེད་དུ་རྗེན་པར་ཕྱུང་དང་འབྱིན་གྱིན་པ་དེ། ཏང་གི་ཚོགས་ཆེན ༡༩ བའི་སྔོན་རྒྱ་ཡིག་སྨྱན་བྱད་གླིང་གི་དོ་སྣང་བྱེད་ཡུལ་ཆེ་ཤོས་སུ་གྱུར་ཡོད་ལ། ཀུའོ་ཝེན་ཀུས་རང་ཉིད་ཀྱི་བཤད་སྟངས་ལྟར་ན། རྒྱ་ནག་ནང་ལོགས་ཀྱི་ཇ་ཁ་ཆང་ཁའི་བརྗོད་གཞི་ཁོ་ན་རུའང་གྱུར་ཡོད་འདུག
འབྲོག་མྱིའི་ཟིན་བྲིས། 