གླིང་ཕྲན་ཆུང་ཆུང་། རྩོད་པ་ཆེ་ཆེ།

_82381083_spratlys_subifierycross.png
ལྷོ་རྒྱ་ནག་རྒྱ་མཚོ་དང་རྒྱ་ནག་གི “མཚོ་ཐིག་དུམ་བུ་དགུ ”

ལྷོ་རྒྱ་ནག་རྒྱ་མཚོའི་གླིང་ན་ཡོད་པའི་སི་ཕི་ར་ཊི་ལི་གླིང་ཚོམ(Spratly Islands རྒྱའི་སྐད་དུ་ནན་ཧྲ་གླིང་ཚོམ་ཟེར)ནི། དོན་དངོས་སུ་མཚོ་འོག་བྲག་རྡོ་ཤིན་ཏུ་ཆུང་ཆུང་གི་ཚོམ་བུ་ཡིན་ལ། ལ་ལ་ཞིག་བྱེ་འབུར་ཡིན། འོན་ཀྱང་། དེ་གར་འཁྲུག་འཛིང་དང་གདོང་ཐུག་གི་ཉེ་ཁ་འཛམ་གླིང་ས་ཁུལ་གཞན་དག་གང་ལས་ཀྱང་ཚབས་ཆེ་བ་ཡོད། མཚོ་འོག་བྲག་རྡོ་དང་བྱེ་འབུར་དེ་དག་ཡོད་སའི་མཚོ་ཁུལ་དེ་ནི་འཛམ་གླིང་སྟེང་གི་ཚོང་དོན་གྲུ་ལམ་གལ་འགངས་ཆེ་ཤོས་དེ་ཡིན་པ་མ་ཟད། མཚོ་འོག་ན་རྡོ་སྣུམ་དང་རླངས་རྫས་ཀྱི་ཐོན་ཁུངས་བོངས་ཆེན་པོ་ཡོད་པར་ཡིད་ཆེས་བྱས་ཡོད། དེ་མིན་ལྷོ་རྒྱ་ནག་རྒྱ་མཚོ་དེ་ཉ་རིགས་ཐོན་ཁུངས་ཕུན་སུམ་ཚོགས་པ་ཞིག་ཀྱང་ཡིན། མུ་མཐུད་ཀློག

Advertisements

ཨ་རིའི་རྒྱ་ནག་ཐད་ཀྱི་ཚོང་དོན་སྲིད་ཇུས་དེ་ཁེ་ཤོར་གྱོང་རེག་གི་འཁྲུལ་ལས་ཆེས་འཁྲུལ་ཞིག

yuan-DW-Wirtschaft-Beijing.jpgལོ ༡༦ རིང་ཡོ་འཁྱོམ་ཆེ་ཞིང་ལྷིང་མི་འཇགས་པས། གཞི་རྩའི་ཚོད་དཔག་གི་མགོ་རྟིང་སློག

ཨ་རིའི་སྐད་གྲགས་ཆེ་བའི༼ བོལ་སྲང་ལམ་ཉིན་རེའི་ཚགས་པར༽གྱིས་ཉེ་ལམ་དཔྱད་རྩོམ་རིང་པོ་ཞིག་སྤེལ་ཡོད་པ་དང་། དཔྱད་རྩོམ་དེའི་ནང་། སྤྱི་ལོ ༢༠༠༠ ལོའི་ཟླ ༤ བར། སྐབས་དེའི་ཨ་རིའི་སྲིད་འཛིན་ཁི་ལེན་ཊིན(Bill Clinton)དང་། ཨ་རིའི་མཉམ་འབྲེལ་དབུས་དངུལ་ཁང་ཆེན་མོའི་འགན་འཛིན་སྐུ་ཞབས་ཨ་ལན གྷུ་རེན་སི་ཕན( Alan Greenspan)། དེ་བཞིན་ཨ་རིའི་དཔལ་འབྱོར་དབུ་་ཁྲིད་ཚོ་ཕོ་བྲང་དཀར་པོར་འཛོམས་ནས་ཨ་རིའི་དཔལ་འབྱོར་ལོ་བཅུའི་རིང་བསྟུད་མར་རྒྱས་ཤིང་འཕེལ་བར་དགའ་སྟོན་རྟེན་འབྲེལ་ཞུས་ཡོད་པ་དང་། ཁོང་ཚོ་ཐུན་མོང་ལ་ལྡན་པའི་དགོངས་ཚུལ་ནི། ཚོང་དོན་དང་། རྩེ་ཕུད་ཀྱི་ཚན་རིག་ལག་རྩལ། དབུས་དངུལ་ཁང་གི་ཚོད་འཛིན་སྟེ་མཆོག་ཏུ་གྱུར་བའི་ཐབས་ལམ་འདི་གསུམ་ལ་བརྟེན་ནས་ཨ་རིས་རང་ཉིད་དར་རྒྱས་ཀྱི་དུས་རབས་མུ་ནས་མུ་རུ་རྒྱུན་འཁྱོངས་དང་སྐུལ་འདེད་ཐུབ་པར་ཡིད་ཆེས་དང་ཁག་ཐེག་བྱས་ཡོད་པ་རེད། མུ་མཐུད་ཀློག

ཧྥ་རན་སིར་ཡང་དྲག་པོའི་འཇབ་རྒོལ་ཐེབས། ད་ཐེངས་ནེ་སི་གྲོང་ཁྱེར་རེད།

Atteck Nice of Frence.PNG
པར་འདི་གཞན་ནས་བཤུས།

ཧྥ་རན་སིའི་རྒྱལ་སྟོན་གྱི་ཉིན་མོར་གྲོང་ཁྱེར་ནེ་སི་རུ་ཚོང་ཟོག་དབོར་འདྲེན་རླངས་འཁོར་ཆེན་པོ་ཞིག་གིས་མི་ཚོགས་ནང་རྡུང་ཁ་བརྒྱབས་ནས་ཉུང་མཐའ་ཡང་མི ༨༤ བསད་ཡོད་པ་དང་། མི ༡༠༠ལྷག་ལ་རྨས་སྐྱོན་ཕོག་འདུག མུ་མཐུད་ཀློག

“པཱ་ན་མཱ་ཡིག་ཆས”སྒེར་གཅོད་ཀྲུང་གོའི་ལྐོག་མཚང་རྗེན་པར་འབྱིན།

Screen Shot 2016-07-11 at 16.15.53.png“པཱ་ན་མཱ་ཡིག་ཆ”ཁྱབ་བསྒྲགས་བྱས་པས་འཛམ་གླིང་ཧྲིལ་བོར་ཆབ་སྲིད་ཀྱི་ས་ཡོམས་མི་ཆུང་བ་ཞིག་བརྒྱུགས། དེ་ཡི་ཤུགས་རྐྱེན་རྒྱ་ཆེ་ཞིང་གཏིང་ཟབ་ལ། དེ་ཡི་མཚོན་དོན་གཙོ་བོ་ཞིག་ནི་དྲྭ་རྒྱ་གོ་ལ་ཅན་དུ་གྱུར་བའི་དུས་རབས་ཉེར་གཅིག་པའི་དེ་རིང་། ཐོབ་ཐང་ཨང་ལྔ་བ་དང་རྒྱལ་སྤྱིའི་སྨྱན་བྱད་གཉིས་མཉམ་འབྲེལ་གྱིས་འཛམ་གླིང་ཡོངས་ཀྱི་གསང་བ་ཕྱིར་འདོན་པའི་དུས་རབས་ཤིག་གི་སྒོ་འབྱེད་པ་མཚོན་ཡོད།  “པཱ་ན་མཱ་ཡིག་ཆས”བསླངས་པའི་འགུལ་འཁྱོམ་ལས་ཨ་ཡེ་སི་ལནྡིའི་སྲིད་བློན་གྱིས་དགོངས་པ་ཞུས་པ་དང་། དབྱིན་ཇུའི་སྲིད་བློན་གྱི་ཡོང་འབབ་དང་དཔྱ་ཁྲལ་ཕྱིར་བསྒྲགས། ཨུ་རུ་སུ་དང་ཨ་ཅིན་ཊེ་ནའི་སྲིད་འཛིན་གཉིས་ལ་རྟོག་ཞིབ་བྱེད་བཞིན་པའི་སྒང་ཡིན་པ་སོགས་གང་ལྟར་རྒྱལ་ཁབ་ལྔ་བཅུ་ལྷག་ན་མུ་མཐུད་ནས་ཟིང་ཆ་ཡོད་མུས་སུ་ཡིན་མོད། རྒྱ་ནག་གི་གཞུང་དམངས་གཉིས་ཀ་དང་གསར་འགྱུར་སྨྱན་བྱད་ཀྱི་སྡེ་བཅས་པ་བློ་ཡུལ་ལས་མ་འདས་པར་ཁྱད་མཚར་པོའི་ལྷིང་འཇགས་རེད། མུ་མཐུད་ཀློག

༧.༤—ཨ་རི་རང་བཙན་གྱི་ཉིན་མོ།

འབྲོག་མྱིའི་ཟིན་བྲིས།

DC-FIREWORKS-2012 ཤོག་པག་གིས་རྣམ་པར་བཀྲ་བའི་རྒྱལ་སྟོན་བསུ་པའི་ཨ་རིའི་རྒྱལ་སའི་མཚན་ལྗོངས།

ཨ་རི་གཞུང་དམངས་གཉིས་ཀས་ཨ་མེ་རི་ཀ་མཉམ་འབྲེལ་རྒྱལ་ཁབ་དབུ་བརྙེས་ནས་ལོ ༢༣༩ ཕྱིན་པའི་རྒྱལ་སྟོན་དུས་ཆེན་དེ་རྣམ་པ་སྣ་ཚོགས་ཀྱི་ལམ་ནས་རྩི་སྲུང་བྱས་འདུག

View original post 35 more words

ལེ་ཌི་གྷ་གྷ་དང་རྒྱ་རིགས“ཧྥན་སི”།

 མཆན:“ཧྥན་སི”-འདི་ཕལ་ཆེར་མིང་ཚིག་གསར་བ་ཞིག་ཡིན་རྒྱུ་རེད་འདོད། སྒྲ་བསྒྱུར་མིང་ཚིག་ཅིག་ཡིན། དབྱིན་སྐད་དུ Fans དང་། རྒྱའི་སྐད་དུའང་སྒྲ་བསྒྱུར་གྱིས 粉丝 ཞེས་བྲིས་འདུག ནང་དོན་ནི། ལས་རྩལ་བ་དང་། གླུ་བ་གླུ་མ། གློག་བརྙན་འཁྲབ་མཁན་དག་ལ་དགའ་མོས་སྐྱེས་ནས་དེའི་རྗེས་སུ་འབྲང་མཁན་ལ་གོ འདི་ལྟ་བུའི་མིང་ཚིག་རིགས་ཐད་ཀར་སྒྲ་བསྒྱུར་བྱས་ན་དགེ་མཚན་ཡོད་པར་འདོད་ནས་དེ་ལྟར་བྱས་པ་ཡིན། གཤམ་གྱི་རྩོམ་ཡིག་ནང་འགྲེལ་བཤད་དང་མིང་ཚིག་གཉིས་ཀ་མཉམ་དུ་བཀོད་ཡོད། དེ་གོ་དོན་རྟོགས་རྒྱུ་ཁོ་ནར་དམིགས་པ་ཡིན།

Screen Shot 2016-07-03 at 17.42.02.png
༧གོང་ས་མཆོག་དང་ལེ་ཌི་གྷ་གྷ།

འཛམ་གླིང་ཧྲིལ་བོ་ན་མཚན་སྙན་གྲགས་ཤིན་ཏུ་ཆེ་བའི་ཨ་མེ་རི་ཀའི་གླུ་མ་ལེ་ཌི་གྷ་གྷ་ལགས་ཀྱིས་ཉེ་ཆར་ཨ་རིའི་ཨིན་ཌི་ཨ་ན(Indiana)མངའ་སྡེའི་རྒྱལ་ས་ཨིན་དི་ཨ་ན་ཨ་པི་ལི་སི(Indianapolis)རུ་བསྐོངས་པའི་གྲོང་ཁྱེར་སྤྱི་ཁྱབ་སུམ་བརྒྱ་ལྷག་འཛོམས་པའི་བགྲོ་གླེང་ཚོགས་འདུ་ཞིག་གི་ཚོགས་མགོན་དུ་བོད་མིའི་སྐྱབས་མགོན ༧སྤྱི་ནོར ༧གོང་ས་རྒྱལ་བ་རིན་པོ་ཆེ་མཆོག་དང་མཉམ་དུ་ཕེབས་ནས་བགྲོ་གླེང་གནང་བར། རྒྱ་ནག་གཞུང་དམངས་གཉིས་ཀས་གཤེ་གཤེའི་ཁ་རྡུང་དང་གཞི་མེད་སྐྱོན་འཛུགས་དྲག་པོ་བྱས་ཡོད་པ་དང་། ནང་སྒོས་སུ་གླུ་མ་ལེ་ཌི་གྷ་གྷར་དགའ་དད་ཅན་ཡིན་ཟེར་བའི་རྒྱ་རིགས་རྗེས་འབྲང་བ “ཧྥན་སི”དག་གིས“ལེ་ཌི་གྷ་གྷས་འཇིགས་སྐུལ་དྲག་སྐྱོད་པར་དཔུང་རོགས་བྱས་པ། རྒྱ་ནག་གི‘ཧྥན་སིའི’ བརྩེ་དུངས་ལ་གནོན་འཚེ་བཟོས་པ”ལ་སོགས་བརྗོད་ནས་ཁ་རྡུང་སྐྱོན་འཛུགས་བྱས་འདུག མུ་མཐུད་ཀློག