ཐོལ་བྱུང་གི་གསར་འགྱུར་ཞིག་གིས་ལོ་ངོ ༣༧ རིང་བརྟན་པོར་གནས་པའི་ཨ་རྒྱ་ཐེ་གསུམ་གྱི་འབྲེལ་བ་ཟུར་གསུམ་མའི་རྨང་གཞི་དེ་ཧོབ་དེ་ཁ་ལ་ཡོམ་ཡོམ་མི་བརྟན་པའི་རྣམ་པ་ཤར་སྟབས། པེ་ཅིང་གཞུང་ཅི་བྱ་གཏོལ་མེད་ཀྱི་གནས་སུ་ལྷུང་ནས་སྐབས་ཤིག་གི་རིང་རྟབ་བེ་རྟོབ་བེར་ལུས། དུས་ཡུན་གང་ཙམ་གྱི་རྗེས་སུ་རྒྱ་ནག་ཕྱི་འབྲེལ་བློན་ཆེན་ཝང་ཡེ་ཟེར་བས“ཐེ་ཝན་གྱི་ཚུལ་མིན་གྱི་བྱ་སྤྱོད”ཅེས་སྲན་མ་མ་ཆོད་ནས་ཐོག་ལ་བརྒྱུགས། དེ་ཡིས་རྒྱ་ནག་པའི་ཆབ་སྲིད་རང་གཤིས་མཚོན་ཡོད་ལ། ཆབ་སྲིད་བློ་རིག་ཀྱང་མཚོན་ཡོད། མུ་མཐུད་ཀློག
འཛམ་གླིང་པར་སྐྲུན་ཟིན་ཐོར་གཞིགས་ན། པར་སྐྲུན་དང་འགྲེམས་སྤེལ་གྱི་པྲོག་ན ༼ ཡི་ཤུའི་གསུང་རབ༽ ཡོད། པྲོག་འབྲིང་གི་གོ་ས་དེ་སུ་ཡིས་བཟུང་ཡོད་པ་གཅིག་བགྱིས་ན་མི་མང་པོ་ཞིག་གི་ཤེས་རྒྱུ་མ་རེད། དེ་ནི “གསུང་བཏུས་དམར་པོ ” སྟེ༼ མའོ་ཙེ་ཏུང་གསུང་བཏུས༽ཡིན། ལོ་ངོ ༥༠འི་ཡར་སྔོན་དུ། “རླབས་ཆེན་གྱི་གཙོ་འཛིན” མའོ་ཙེ་ཏུང་གི “ གསུང་བཏུས་དམར་པོས” ཀྲུང་ཡོན་ས་ཆེན་དང་། གངས་ཅན་བོད། ཆེན་པོ་ཧོར། ཤར་ཐིར་གུ་ས་ཐན་སོགས་ལ་དཔུང་འཇུག་གི་གཡུལ་བཤམས་པ་རེད། བློ་ཕམ་པ་ཞིག་ནི། དུས་དེ་རིང “མའོ་ཡི་མ་འདས་སྤྲུལ་སྐུ” ཞི་ཅིན་ཕེང་གིས་དཔོན་རབས་གསུམ་གྱི་རྗེས་སུ་མའོ་ཡི་དར་ཆ་སྒྲེང་ནས་ཤི་མ་གསོན་གྱི་དྲན་པ་དེ་ཡང་བསྐྱར་བསླངས་ཡོད། མུ་མཐུད་ཀློག
༢༠༡༦ ལོའི་ཨ་རིའི་སྲིད་འཛིན་འོས་བསྡུ་ཆེན་མོ་ད་གཟོད་རྟིང་ཐག་ཆོད་སོང་། ད་ཐེངས་ཀྱི་འོས་བསྡུ་འདི་ནི་ཨ་རིའི་ལོ་རྒྱུས་སུ་འགྱུར་ལོག་ཆེ་ཤོས་ཀྱི་འོས་བསྡུ་དེ་ཡིན་ལ། གདམ་རྩོད་སྐབས་རྐང་པ་འཐེང་འགྲོས་ཀྱི་ཡར་མཆོང་མར་ལྡིང་དང་། རྣ་ཚ་བའི་འཆལ་གཏམ་དང་སྣ་ཚ་བའི་དྲི་ངན་གྱི་འབགས་པའི་ཞབས་འདྲེན་གནས་ཚུལ་རིགས་རྒྱུན་མ་ཆད་པ་མ་ཟད། མཇུག་འབྲས་དེ་མི་རྣམས་པས་བློ་ཡུལ་ལས་རྦད་དེ་འདས་ཏེ་གོ་ལ་ཧྲིལ་བོ་ཧ་ལས་ཧང་སང་ཡོད།
ལོ་གཅིག་ལྷག་གི་ཨ་རིའི་སྲིད་འཛིན་འོས་བསྡུ་ཆེན་མོ་དེར་རྒྱ་ནག་གཞུང་དང་མི་དམངས་ཀྱིས་ཨ་རི་གཞུང་དང་མི་དམངས་ལས་ཀྱང་དོ་སྣང་ཆེ་བ་བྱས་ཡོད་ལ། མུ་མཐུད་ཀློག
ཨ་རི་བ་ཚོས་བཀའ་དྲིན་རྗེས་དྲན་གྱི་ཉིན་མོ(Thanksgiving)དེ་ཁོང་ཚོའི་སྲོལ་རྒྱུན་གྱི་དུས་ཆེན་གལ་ཆེན་ཞིག་ཏུ་སྲུང་གཙི་བྱེད་ཀྱིན་ཡོད།
བཀའ་དྲིན་རྗེས་དྲན་གྱི་ཉིན་མོའི་བྱུང་རབས་ལ་བཤད་སྲོལ་མ་འདྲ་བ་འགའ་ཡོད། ཡོངས་ཁྱབ་ཀྱི་བཤད་སྲོལ་ཞིག་ནི་ཕྱི་ལོ ༡༦༢༡ ལོར་ཨ་མེ་རི་ཀའི་ཤར་མཐའ་མཱ་སཱ་ཆོ་སེ་ཚི (Massachusetts ) རུ་རྒྱ་མཚོ་ལས་ཐོག་མར་སའི་སྟེང་ལ་བུད་པའི་ཡོ་རོབ་ནས་ཡོང་བའི་ཚུལ་ཁྲིམས་སྲུང་མཁན་ཆོས་པ་སྐྱབས་འཚོལ་མཁན་སྐོར་ཞིག་དང་ཨ་རིའི་གདོད་མའི་མི་རིགས་ཨེན་དྷི་ཨ་ནཱའི་མི་སྐོར་ཞིག་མཉམ་གཅིག་ཏུ་འཛོམས་ནས་སྟོན་ཁའི་ལོ་ལེགས་ཀྱི་དཔལ་ལ་རོལ་བའི་གསོལ་སྟོན་ལ་རོལ་བ་དང་།
View original post 74 more words
དབྱིན་ཇིས་མང་པ་ཉུང་ལེན་གྱི་དམངས་གཙོའི་འོས་བསྡུའི་ལམ་ལུགས་ལྟར་ཡོ་རོབ་མཐུན་ཚོགས་ལས་བུད་རྗེས། སྐུ་ཞབས་ཊོམ་ཕུ་ལགས་སྲིད་འཛིན་གདམ་རྩོད་ཁྲོད་རྣམ་པར་རྒྱལ་བ་དེས་རང་དབང་རིང་ལུགས་རྒྱལ་སྤྱིའི་སྒྲིག་ལམ་ལ་གཏོར་སྐྱོན་ཆེན་པོ་ཐེབས་པར་ངོས་འཛིན་བྱས་ཡོད།
སྤྱི་ཟླ ༡༡ ཚེས ༢ ཀྱི་མཚན་གུང་། རྒྱ་ནག་གཞུང་འབྲེལ་སྨྱན་བྱད་ཞིན་ཧྭ་གསར་ལས་ཁང་གིས་ཞི་ཅིན་ཕེང་གི་ཚོགས་ཆེན་ཐེངས་དྲུག་པའི་སྟེང་གཏན་ལ་ཕབ་པའི་གལ་ཆེའི་ཡིག་ཆ་གཉིས་བཀྲམས་པའི་བརྒྱུད་རིམ་དང་འབྲེལ་བའི་གལ་གནད་ཆེ་བའི་རྩོམ་ཡིག་རིང་པོ་ཞིག་བརྒྱུད་སྤེལ་བྱས་ཡོད་པ་དང་། རྩོམ་ཡིག་གི་ནང་དུ་ཞི་ཅིན་ཕེང་གིས་ཏང་ནང་ཁུལ་གྱི་ཆབ་སྲིད་འཚོ་བའི་ཁྲོད་ཀྱི་གནད་དོན་འགར་ཚིག་སྦྱོར་དྲག་པོས་སྐྱོན་བརྗོད་གནང་འདུག མུ་མཐུད་ཀློག
རྒྱ་ནག་དེང་གཞུང་གི་སྐབས ༡༨ པའི་ཚང་འཛོམས་ཚོགས་ཆེན་ཐེངས ༦ མཇུག་སྒྲིལ་རྗེས་སྤེལ་བའི་ཚོགས་འདུའི་སྤྱི་བསྒྲགས་སུ། ཐོག་དང་པོར“ཞི་སྲོག་ཤིང་”ཞེས་གོ་ས་མཚོན་པའི་ཐ་སྙད་དེ་བཏོན་ཡོད་པས། རྒྱ་ནག་ཕྱི་ནང་གི་མི་རྣམས་པས་དེ་ལ་དོ་སྣང་ཆེན་པོ་བྱས་ཡོད་པ་རེད། རྒྱ་ནག་དམར་ཤོག་དྲུང་ཆེ་ཟུར་པ་ཀྲོ་ཙི་ཡང་གི་དྲུང་ཡིག་སྐུ་ཞབས་པའོ་ཐོང་གིས “སྲོག་ཤིང་ལམ་ལུགས་ནི་མི་གཅིག་གིས་ཅི་བཤད་དེར་ཉན་རེད”། ཐུན་མོང་དབུ་ཁྲིད་ཟེར་བ་དེ་ནི་ལུག་མགོ་བཀལ་ནས་ཁྱི་ཤ་འཚོང་པའི་ར་གན་གསེར་རྫུ་རེད། ཅེས་ངོས་འཛིན་བྱས་འདུག མུ་མཐུད་ཀློག
ད་ལྟའི་ཧྥི་ལི་པིན་གྱི་སྲིད་འཛིན་གྱི་ཐོལ་བྱུང་གློ་བུར་བའི་བྱ་སྤྱོད་དེས། ཤར་ལྷོ་ཨེ་ཞི་ཡའི་བདེ་འཇགས་ཀྱི་སྒྲོམ་གཞིའི་མགོ་རྟིང་བསློགས་ཡོད། ཨ་མེ་རི་ཀར་མཚོན་ན། དེ་ནི་བློ་ཡུལ་ལས་འདས་པའི་རྡུང་རྡེག་ཐེངས་ཤིག་ཡིན་མོད། འོན་ཀྱང་ཧྥི་ལི་པིན་རང་ཉིད་ལ་མཚོན་ན་ཡང་དེ་ཡག་རྟགས་ཤིག་མིན་པ་མ་ཟད། ཉེན་ཁ་ཚ་བའི་བྱ་སྤྱོད་ཅིག་ཡིན། མུ་མཐུད་ཀློག
ཉེ་བའི་ལོ་ཤས་སུ། ལག་མཐིལ་ཙམ་ལས་མེད་པའི་གླིང་ཚོམ་གྱིས་གྲུབ་པའི་ཧོང་ཀོང་དུ་ངོ་རྒོལ་གྱི་ལས་འགུལ་རྒྱུན་ཆད་མེད་པར་བྱུང་ཡོད་ལ། ངོ་རྒོལ་བ་ཚོས་རྒྱལ་ཁབ་བདེ་འཇགས་ཐད་ཀྱི་ཁྲིམས་སྲོལ་དང་། ཡང་ན་འདེམས་བསྐོའི་བྱ་རིམ་སོགས་གང་ཡིན་ཡང་རྒྱ་ནག་དེང་གཞུང་གིས་བཙན་པོ་དབང་ཡོད་བྱས་ནས་ཕྱེད་རང་སྐྱོང་གི་ངོ་བོར་གནས་པའི་ཧོང་ཀོང་ལ་གཏན་འབེབས་བྱས་པའི་སྲིད་ཇུས་གསར་བའི་རིགས་ལ་མ་མོས་མ་དགའ་བའི་རྣམ་འགྱུར་ཤེད་ཀྱིས་བསྟན་ཡོད།
སྤྱི་ཚེས ༡༢ ཉིན། ངོ་རྒོལ་ལས་འགུལ་བྱེད་ཡུལ་དེ་ཕྱིའི་སྲང་མགོ་ལམ་སྣེ་ནས་ཧོང་ཀོང་གི་གྲོས་ཚོགས་ནང་དུ་བསླེབས། གསར་དུ་བདམས་པའི་གྲོས་ཚོགས་འཐུས་མི་ཚོས་ཐོག་མའི་ཚོགས་འདུ་བསྐོངས་ནས་ལས་འཁུར་དམ་འབུལ་གྱི་མཛད་སྒོ་སྤེལ་ཡོད་པ་དང་། མུ་མཐུད་ཀློག
བོད་ཀྱི་གློག་བརྙན་འཁྲབ་སྟོན་པ་སྦྱིན་པའམ་གེའུ་ལགས་ཐེ་ཝན་གསེར་གྱི་གྱི་ལིང་བྱ་དགའི་འོས་མིང་དུ་ཚུད་འདུག
སྤྱི་ཟླ ༡༠ པའི་ཚེས ༡ ཉིན། སྐབས་ང་གསུམ་པའི་གསེར་གྱི་གྱི་ལིང་རྟགས་མའི་འོས་མིང་གི་ཐོ་ཡིག་ཕྱི་རུ་བསྒྲགས་ཡོད་པ་དང་། འཁྲབ་ཁྲིད་པ་ཀྲང་དབྱང་གི་བརྩམས་ཆོས༼ རྒྱུན་བུའི་སྟེང་གི་རྣམ་ཤེས༽ ཀྱི་གཙོ་འཁྲབ་པ་ཡིན་པའི་ཆ་ནས་གློག་བརྙན་འཁྲབ་སྟོན་པ་གསར་བ་རྩེ་གྲའི་འོས་མིང་དུ་བོད་ཀྱི་ན་གཞོན་འཁྲབ་སྟོན་པ་སྦྱིན་པའམ་གེའུ་ལགས་ཚུད་འདུག སྦྱིན་པའམ་གེའུ་ལགས་ནི། བོད་མདོ་སྨད་མཛོད་དགེ་ཉིན་མའི་མི་ཡིན། ཁོང་ནི་གློག་བརྙན་འཁྲབ་སྟོན་གྱི་ལས་ལ་ཞུགས་ནས་དུས་ཡུན་རིང་པོ་ལོན་མེད་ནའང་འཁྲབ་རྩལ་འཛོམས་ཤིང་སྒྱུ་རྩལ་ལ་དགའ་ཞེན་མཆོག་ཏུ་ཆེ་བས་ཀུན་ཀྱི་དང་བ་འདྲེན་ནུས་པའི་དྲ་ལམ་གྱི་མི་སྣ་ཞིག་ཏུ་གྱུར་ཡོད། མུ་མཐུད་ཀློག
འབྲོག་མྱིའི་ཟིན་བྲིས། 