བདུན་ཕྲག་འགའི་སྔོན་དུ། ཞི་བདེ་རྒྱ་མཚོའི་གླིང་ཕྲན་རྒྱལ་ཁབ་ཕཱ་ཕུ་ཡ་ནིའུ་རྗི་ནེ་རུ་རྒྱལ་སྤྱིའི་ལྷན་ཚོགས་གལ་ཆེན་ཞིག་འཚོགས་ཡོད་པ་དང་། ཨ་རིའི་རེ་འདུན་ལྟར་རང་དབང་ཚོང་ལས་གཙུགས་ཆེན་དུ་འཛིན་རྒྱུའི་ཐུན་མོང་གི་རེ་སྨོན་ཁྲོད་ཚོགས་ཆེན་མཇུག་བསྒྲིལ་ཡོད་མོད། རྒྱ་ནག་གིས་དེར་ངོ་རྒོལ་མཐའ་གཅིག་ཏུ་བྱས་འདུག
རྒྱ་ནག་གི་སྐུ་ཚབ་ཚོས་གྲོས་མོལ་གྱི་ལམ་ནས་འགལ་བ་སེལ་རྒྱུར་འབད་པ་བྱས་མེད་ལ། དེ་ལས་ལྡོག་ཏེ་མགྲོན་བདག་རྒྱལ་ཁབ་དེའི་ཕྱི་འབྲེལ་བློན་ཆེན་གྱི་གཞུང་སྒྲུབ་ཁང་དུ་ཧམ་གྱིས་འཛུལ་པ་མ་ཟད། གཞུང་འབྲེལ་སྤྱི་བསྒྲགས་ཀྱི་ནང་དོན་བཟོ་བཅོས་བྱེད་དགོས་པའི་བཙན་བཀའ་བཏང་འདུག མུ་མཐུད་ཀློག
ལོ ༢༤༠འི་ཡར་སྔོན། ཨ་མེ་རི་ཀའི་ཡབ་ཆེན་ཚོས་ཨ་རིའི་ད་ལྟའི་ལམ་སྲོལ་འདི་ཇུས་འགོད་བྱེད་དུས། རང་དབང་དམངས་གཙོའི་ལམ་སྲོལ་རྨང་གཞི་བྱས་པའི་སྤྱི་ཚོགས་བརྟན་བརླིང་དང་འཕེལ་རྒྱས་ལ་དགེ་མཚན་ཆེ་བའི་རྟག་བརྟན་གྱི་ལམ་ལུགས་ཞིག་ལ་དགོངས་པ་བཞེས་ཡོད་དུས། ཕམ་ནས་ཕོང་འགྲོ་ས་ཞིག་མེད་ལ། རྒྱལ་ནས་ཐོབ་འགྲོ་བ་ཞིག་ཀྱང་མེད། མཐར་ཐུག་ན་འོས་བསྡུ་ནི་བཟང་ནས་ཤིན་ཏུ་བཟང་རྒྱུ་ལས། སུ་རྒྱལ་སུ་ཕམ་ནི་དམིགས་ཡུལ་མ་ཡིན་ནོ།།
ཨ་མེ་རི་ཀས་ཧ་ཅང་དྲག་ཧྲག་གི་རྣམ་པས་ཕྱོགས་ཐམས་ཅད་ནས་རྒྱ་ནག་ལ་སྡང་བའི་རྣམ་འགྱུར་དང་བཅས། ཚོང་དམག་མདུད་སྐྱོད་རུ་ཁག་བྱས་པའི་གྲང་དམག་གི་གཡུལ་འགྱེད་བཤམ་རྒྱུའི་རྟ་གོན་ལ་ཞུགས་དུས། གཞན་གྱི་སྡུག་པ་ལ་སྙིང་ཚིམ་པ་བྱས་པ་མིན་ཡང་། ཨ་རྒྱའི་བར་འགལ་ཟླ་བྱུང་བ་དེ་བོད་དོན་ལ་མཚོན་ན་གོ་སྐབས་ཤིག་ཅི་ལ་མིན་བསམ་ནས་དགའ་སྤྲོས་དགྱེས་ཡོད། རེ་བས་ཁེངས་ཡོད།
མི་རྣམ་པའི་བློ་ཡུལ་ལས་མ་འདས་པར། ཨ་མེ་རི་ཀའི་སྲིད་འཛིན་ཊོམ་ཕུ་མཆོག་གིས་རྒྱ་ནག་ནས་ནང་འདྲེན་ཨ་སྒོར་ཁྲག་ཁྲིག་གཉིས ༼༢༠༠༠༠༠༠༠༠༠༠༠༽ཀྱི་རིན་གོང་གི་ཚོང་ཟོག་ལ་སྒོར་སྤར་རྒྱུ་ཡིན་ལུགས་ཟླ ༩ པའི་ཚེས ༡༡ ཉིན་གསལ་བསྒྲགས་བྱས་ཡོད་པ་རེད། ཡིན་ན་ཡང་སྒོ་ཁྲལ་གྱི་འབོར་དེ་དེ་སྔའི ༢༥% ནས ༡༠% ལ་མར་བབས་ཡོད་པ་རེད།
འབྲོག་མྱིའི་ཟིན་བྲིས། 