ཧྥ་རན་སིའི་རྒྱལ་སྟོན་གྱི་ཉིན་མོར་གྲོང་ཁྱེར་ནེ་སི་རུ་ཚོང་ཟོག་དབོར་འདྲེན་རླངས་འཁོར་ཆེན་པོ་ཞིག་གིས་མི་ཚོགས་ནང་རྡུང་ཁ་བརྒྱབས་ནས་ཉུང་མཐའ་ཡང་མི ༨༤ བསད་ཡོད་པ་དང་། མི ༡༠༠ལྷག་ལ་རྨས་སྐྱོན་ཕོག་འདུག → མུ་མཐུད་ཀློག

“པཱ་ན་མཱ་ཡིག་ཆ”ཁྱབ་བསྒྲགས་བྱས་པས་འཛམ་གླིང་ཧྲིལ་བོར་ཆབ་སྲིད་ཀྱི་ས་ཡོམས་མི་ཆུང་བ་ཞིག་བརྒྱུགས། དེ་ཡི་ཤུགས་རྐྱེན་རྒྱ་ཆེ་ཞིང་གཏིང་ཟབ་ལ། དེ་ཡི་མཚོན་དོན་གཙོ་བོ་ཞིག་ནི་དྲྭ་རྒྱ་གོ་ལ་ཅན་དུ་གྱུར་བའི་དུས་རབས་ཉེར་གཅིག་པའི་དེ་རིང་། ཐོབ་ཐང་ཨང་ལྔ་བ་དང་རྒྱལ་སྤྱིའི་སྨྱན་བྱད་གཉིས་མཉམ་འབྲེལ་གྱིས་འཛམ་གླིང་ཡོངས་ཀྱི་གསང་བ་ཕྱིར་འདོན་པའི་དུས་རབས་ཤིག་གི་སྒོ་འབྱེད་པ་མཚོན་ཡོད།  “པཱ་ན་མཱ་ཡིག་ཆས”བསླངས་པའི་འགུལ་འཁྱོམ་ལས་ཨ་ཡེ་སི་ལནྡིའི་སྲིད་བློན་གྱིས་དགོངས་པ་ཞུས་པ་དང་། དབྱིན་ཇུའི་སྲིད་བློན་གྱི་ཡོང་འབབ་དང་དཔྱ་ཁྲལ་ཕྱིར་བསྒྲགས། ཨུ་རུ་སུ་དང་ཨ་ཅིན་ཊེ་ནའི་སྲིད་འཛིན་གཉིས་ལ་རྟོག་ཞིབ་བྱེད་བཞིན་པའི་སྒང་ཡིན་པ་སོགས་གང་ལྟར་རྒྱལ་ཁབ་ལྔ་བཅུ་ལྷག་ན་མུ་མཐུད་ནས་ཟིང་ཆ་ཡོད་མུས་སུ་ཡིན་མོད། རྒྱ་ནག་གི་གཞུང་དམངས་གཉིས་ཀ་དང་གསར་འགྱུར་སྨྱན་བྱད་ཀྱི་སྡེ་བཅས་པ་བློ་ཡུལ་ལས་མ་འདས་པར་ཁྱད་མཚར་པོའི་ལྷིང་འཇགས་རེད། → མུ་མཐུད་ཀློག

 མཆན：“ཧྥན་སི”－འདི་ཕལ་ཆེར་མིང་ཚིག་གསར་བ་ཞིག་ཡིན་རྒྱུ་རེད་འདོད། སྒྲ་བསྒྱུར་མིང་ཚིག་ཅིག་ཡིན། དབྱིན་སྐད་དུ Fans དང་། རྒྱའི་སྐད་དུའང་སྒྲ་བསྒྱུར་གྱིས 粉丝 ཞེས་བྲིས་འདུག ནང་དོན་ནི། ལས་རྩལ་བ་དང་། གླུ་བ་གླུ་མ། གློག་བརྙན་འཁྲབ་མཁན་དག་ལ་དགའ་མོས་སྐྱེས་ནས་དེའི་རྗེས་སུ་འབྲང་མཁན་ལ་གོ འདི་ལྟ་བུའི་མིང་ཚིག་རིགས་ཐད་ཀར་སྒྲ་བསྒྱུར་བྱས་ན་དགེ་མཚན་ཡོད་པར་འདོད་ནས་དེ་ལྟར་བྱས་པ་ཡིན། གཤམ་གྱི་རྩོམ་ཡིག་ནང་འགྲེལ་བཤད་དང་མིང་ཚིག་གཉིས་ཀ་མཉམ་དུ་བཀོད་ཡོད། དེ་གོ་དོན་རྟོགས་རྒྱུ་ཁོ་ནར་དམིགས་པ་ཡིན།

འཛམ་གླིང་ཧྲིལ་བོ་ན་མཚན་སྙན་གྲགས་ཤིན་ཏུ་ཆེ་བའི་ཨ་མེ་རི་ཀའི་གླུ་མ་ལེ་ཌི་གྷ་གྷ་ལགས་ཀྱིས་ཉེ་ཆར་ཨ་རིའི་ཨིན་ཌི་ཨ་ན(Indiana)མངའ་སྡེའི་རྒྱལ་ས་ཨིན་དི་ཨ་ན་ཨ་པི་ལི་སི(Indianapolis)རུ་བསྐོངས་པའི་གྲོང་ཁྱེར་སྤྱི་ཁྱབ་སུམ་བརྒྱ་ལྷག་འཛོམས་པའི་བགྲོ་གླེང་ཚོགས་འདུ་ཞིག་གི་ཚོགས་མགོན་དུ་བོད་མིའི་སྐྱབས་མགོན ༧སྤྱི་ནོར ༧གོང་ས་རྒྱལ་བ་རིན་པོ་ཆེ་མཆོག་དང་མཉམ་དུ་ཕེབས་ནས་བགྲོ་གླེང་གནང་བར། རྒྱ་ནག་གཞུང་དམངས་གཉིས་ཀས་གཤེ་གཤེའི་ཁ་རྡུང་དང་གཞི་མེད་སྐྱོན་འཛུགས་དྲག་པོ་བྱས་ཡོད་པ་དང་། ནང་སྒོས་སུ་གླུ་མ་ལེ་ཌི་གྷ་གྷར་དགའ་དད་ཅན་ཡིན་ཟེར་བའི་རྒྱ་རིགས་རྗེས་འབྲང་བ “ཧྥན་སི”དག་གིས“ལེ་ཌི་གྷ་གྷས་འཇིགས་སྐུལ་དྲག་སྐྱོད་པར་དཔུང་རོགས་བྱས་པ། རྒྱ་ནག་གི‘ཧྥན་སིའི’ བརྩེ་དུངས་ལ་གནོན་འཚེ་བཟོས་པ”ལ་སོགས་བརྗོད་ནས་ཁ་རྡུང་སྐྱོན་འཛུགས་བྱས་འདུག → མུ་མཐུད་ཀློག

མཆན：༡༽གཤམ་གྱི་གནས་ཚུལ་འདི་བཀག་ཉར་ཁང་དུ་པདྨ་ཚེ་བརྟན་ལ་བདེ་འདྲི་ཐུག་འཕྲད་ལ་འགྲོ་མཁན་བརྫུས་མིང་ལ་ཁཱི་ཁཱི་ཟེར་བས་རྒྱ་ནག༼ཞིན་ལང་རོལ་རྩེད༽ལ་འགྲེལ་བཤད་བྱས་པའི་སྐད་ཆ་དང་། གློག་བརྙན༼ཐར་ལོ ༽བཟོ་སྒྲིག་པ་བསོད་ནམས་རྒྱལ་གྱིས་པདྨ་ཚེ་བརྟན་དང་ཁོང་གི་ཕྱག་རོགས་ནས་གོ་ཐོས། དེ་མིན་སྤྱི་ཚོགས་འབྲེལ་འདྲིས་སྨྱན་བྱད་ཁག་བཅས་ནས་ཕྱོགས་བསྒྲགས་བྱས་པ་ཡིན།
༢༽༠༠༡ ནི་པདྨ་ཚེ་བརྟན་ཕེང་ཨན་ཁུལ་བཀག་ཉར་ཁང་དུ་བཅུགས་དུས་བཙོན་ལྭའི་སྟེང་གི་ཨང་གྲངས་རེད།

འཛིན་བཟུང་གི་བརྒྱུད་རིམ།

ཁཱི་ཁཱི：སྤྱི་ཟླ ༦ ཚེས ༢༥འི་ཉིན་གྱི་དགོང་མོའི་ཆུ་ཚོད ༨ དང་སྐར་མ ༡༥ ཡས་མས་སུ་པདྨ་ཚེ་བརྟན་ལགས་པེ་ཅིང་ནས་ཟི་ལིང་ལ་འཕུར་པའི CZ6269 གནམ་གྲུར་བསྡད་ནས་ཚོ་ཇཱ་པའོ་གནམ་ཐང་ལ་འབྱོར་ཞིང་། དུས་ཡུན་སྐར་མ ༡༥འི་རྗེས་སུ་གནམ་ཐང་གི་བཏང་འཛིན་ཁུལ་ནས་ཕྱིར་ཐོན་དུས། རྒྱབ་ཁུག་གནམ་ཐང་ནང་ལོགས་ཀྱི་རྡོག་ཁྲེས་ལེན་ས་ནས་བརྗེད་པ་གཞི་ནས་ཤེས། དེ་ནས་ལམ་སང་ཕྱིར་རྒྱབ་ཁུག་ལེན་ཆེད་སོང་། སྐབས་དེར་བཏང་འཛིན་ཁུལ་ན་ལྟ་ → མུ་མཐུད་ཀློག

ཐེ་ཝན་གྱི་སྲིད་འཛིན་ལྕམ་ཚེ་ཡིན་ཝེན་གྱི་ཐོག་མཐའ་བར་གསུམ་དུ “གོ་གཉིས་ཐུན་མོང་གྲོས་མཐུན” ལ་ངེས་ལེན་མ་བྱས་སྟབས། མཚོ་འགག་གཉིས་ཀྱི་འབྲེལ་ལམ་ལས་ཁུངས་སྒོ་བརྒྱབས་ཟིན་པ་རྒྱ་གཞུང་གཞུང་གིས་ར་སྤྲོད་བྱས་འདུག
སྤྱི་ཟླ ༦ ཚེས ༢༤ ཉིན། ཐེ་ཝན་གཞུང་འབྲེལ་དྲྭ་རྒྱའི་སྟེང་སྤེལ་བའི་གསལ་བསྒྲགས་ནང་། ཐེ་ཝན་གཞུང་གིས་ཁམ་པོ་ཌེ་ཡས་ཐེ་ཝན་གྱི་མི་སེར་ཡིན་པ་གློག་འཕྲིན་སྙད་འདོགས་གཡོ་ལེན་དོགས་གཞི་མི་སྣ་སྐོར་ཞིག་རྒྱ་ནག་སྐམ་ས་ཆེན་མོར་རྩིས་སྤྲད་ → མུ་མཐུད་ཀློག

ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ལྷན་ཁང་གི་གཤམ་འོག་གི་ཚོགས་ཆུང་གཉིས་ཀྱི་རྩ་འཛུགས་འོག སྤྱི་ཟླ ༣ ཚེས ༢༤འི་ཉིན། མི་གསོན་པོའི་ནང་ཁྲོལ་ལེན་པའི་ཐད་ཉན་ཞིབ་ཚོགས་འདུ་ཞིག་བསྐོངས་ཡོད་པ་དང་། ཉན་ཞིབ་བསྐོངས་མཁན་ཨ་རིའི་གྲོས་ཚོགས་ཀྱི་ཕྱི་འབྲེལ་ལས་དོན་ལྷན་ཁང་གི་ཨ་ཧྥི་རི་ཀ་དང་གོ་ལ་ཧྲིལ་བོའི་ཚོགས་ཆུང་གི་འགན་འཛིན་སྤྱི་མཐུན་ཚོགས་པའི་འཐུས་མི་སྐུ་ཞབས་ཁི་རི་སི སི་མི་ཐི་ལགས་དང་། ཕྱི་འབྲེལ་ལས་དོན་ལྷན་ཁང་གི་གསར་བྱུང་འཇིགས་སྐུལ་ཚོགས་ཆུང་གི་འགན་འཛིན་སྤྱི་མཐུན་ཚོགས་པའི་འཐུས་མི་སྐུ་ཞབས་ཌ་ན རོ་ར་བྷ་ཁིར་ལགས་བཅས་རྣམ་པ་གཉིས་ཀས་རྒྱ་ནག་གཞུང་གིས་ཉེས་མེད་བཙོན་མའི་ནང་ཁྲོལ་གསོན་ལེན་གྱི་སྤྱོད་ངན་མཚམས་འཇོག་དགོས་པའི་འབོད་སྐུལ་གནང་ཡོད་པ་རེད། → མུ་མཐུད་ཀློག

ཨ་རི་ཕྱི་འབྲེལ་ལྷན་ཁང་གི་རྒྱལ་སྤྱིའི་ཆོས་ལུགས་རང་དབང་གི་འགན་འཛིན་སྐུ་ཞབས་ཌེ་ཝེ་ཌི སི་ཕར་སི་ཊེན་མཆོག་གིས་སྤྱི་ཟླ ༦ ཚེས ༡༦ ཉིན། གོ་ལ་ཧྲིལ་བོའི་ཆོས་ལུགས་རང་དབང་གི་འཇིག་ཉེན་དང་དེ་བཞིན་ཨ་རིའི་ཕྱི་སྲིད་སྲིད་ཇུས་བཅས་ཀྱི་སྐོར་ལ་གྲོས་ཚོགས་འོག་མའི་ཕྱི་འབྲེལ་ལས་དོན་ཚོགས་ཆུང་གི་ཨ་ཧྥི་རི་ཀ་དང་། གོ་ལ་ཧྲིལ་བོའི་འཕྲོད་བསྟེན། མི་ཐོབ།  → མུ་མཐུད་ཀློག

རྒྱ་གར་གྱི་སྲིད་བློན་ནཱ་རན་ཏཱ་ར མཱོ་དྷི་མཆོག་སྤྱི་ཟླ་དྲུག་པའི་མགོ་ནས་ཨ་མེ་རི་ཀར་འཚམས་གཟིགས་སུ་ཕེབས་ཡོད་པ་དང་། ཨ་རིའི་སྲིད་འཛིན་ཨོ་བྷ་མ་དང་མཇལ་མོལ་ལས་གཞན། ཨ་རིའི་གྲོས་ཚོགས་གོང་འོག་ཚང་འཛོམས་སར་གཏམ་བཤད་གནང་ཡོད། → མུ་མཐུད་ཀློག

“དྲུག་བཞི” དོན་རྐྱེན་ལ་དྲག་གནོན་དང “རིག་གསར” གནོན་འཚེ་གཉིས་ལ་འབྲེལ་བ་ཅི་ཞིག་ཡོད་དམ། འདི་ནི་དཔྱད་རིན་ཡོད་པའི་བརྗོད་གཞི་ཞིག་རེད་བསམ་བྱུང་།
སྤྱི་ཟླ ༦ ཚེས ༤འི་ཉིན་ནི། རྒྱ་ནག་དམར་པོའི་གཞུང་གིས་དྲུག་བཞི་དམངས་གཙོའི་ལས་འགུལ་ལ་ཁྲག་དྲི་བྲོ་བའི་དྲག་གནོན་བྱས་ཏེ་ལོ ༢༧ འཁོར་པའི་མྱ་ངན་རྗེས་དྲན་གྱི་ཉིན་མོ་དེ་ཡིན། དེ་བཞིན་དུ་ད་ལོ་ནི་ལོ་བཅུའི་གོད་ཆག་ཆེན་མོ་རིག་གནས་གསར་བརྗེ་ཆེན་མོ་བྱུང་ནས་ལོ ༥༠ འཁོར་བའི་ལོ་དེའང་ཡིན། སྐྱོ་གར་དེ་གཉིས་ཀར་འབྲེལ་བ་ཅི་ཞིག་ཡོད་པ་ད་བར་དུ་བགྲོ་གླེང་མཐར་ཐུག་ཅིག་བྱས་མྱོང་མེད། → མུ་མཐུད་ཀློག