ཕོ་བྲང་དཀར་པོའི་མདུན་ན་འདོན་ཆེ་བ:དཔལ་འབྱོར་གཡུལ་འགྱེད་ནི་སོ་ཅོག་གི་གནད་ཡིན།

Screen Shot 2017-08-21 at 09.06.03.png
སི་ཊེ་ཝེ་བྷ་ནོན།

ཨ་རིའི་སྲིད་འཛིན་དགྲ་ནོན་ཁྲོ་འབར་གྱི་འཐབ་ཇུས་མདུན་ན་འདོན་ཆེ་བ་སྐུ་ཞབས་སི་ཊེ་ཝེ་བྷ་ནོན་ལགས་ཀྱིས་སྨྱན་བྱད་ཀྱི་བཅར་འདྲི་སྐབས། ཨ་མེ་རི་ཀ་དང་རྒྱ་ནག་གཉིས་དཔལ་འབྱོར་གྱི་གཡུལ་ལ་དེ་སྔ་ནས་ཞུགས་ཟིན་པས། དེང་གི་ཆར་ནི་མངོན་གསལ་དོད་པོའི་དཔལ་འབྱོར་གཡུལ་འགྱེད་བྱེད་ཀྱིན་པའི་སྒང་ཡིན། བྱང་ཀོ་རེ་ཡའི་གནད་དོན་ཐད་རྒྱ་ནག་གིས་དོན་ཕན་ཅན་གྱི་གྲོགས་བྱེད་མི་སྲིད། བྱས་ཙང་རྒྱ་ནག་ལ་སྲ་ཞིང་མཁྲེགས་པའི་ཚོང་དོན་དམ་དྲག་ཉེས་ཆད་མི་གཅོད་པར་རྒྱུ་མཚན་ཡོད་མ་མིན་ཞེས་གསུངས་འདུག མུ་མཐུད་ཀློག

སྨྱོན་པའི་ལག་ལ་རལ་གྲི། བྱིས་པའི་ལག་ལ་གོ་ཆ།

Screen Shot 2017-08-15 at 10.23.41.png
དགྲ་ནོན་ཁྲོ་འབར་དང་ཁེམ་གསུམ་རྒྱགས་སྨྱོན།

སྤྱི་ཟླ ༨ ཚེས ༨ ཉིན། ཨ་རིའི་སྲིད་འཛིན་དགྲ་ནོན་ཁྲོ་འབར་གྱིས་བྱང་ཀོ་རེ་ཡར། ཨ་མེ་རི་ཀར་འཇིགས་སྣང་མ་བསྐུལ་མ་གཏོགས“ཁོང་ཁྲོ་དང་མེ་ལྕེ་དྲག་པོས”འཁོན་ལན་སློག་ངེས་ཡིན་ཞེས་ཐ་ཚིག་བསྒྲགས་མ་ཐག བྱང་ཀོ་རེ་ཡའི་སྲིད་འཛིན་ཁེམ་གསུམ་རྒྱགས་སྨྱོན་གྱིས་ཀྱང་ཞུམ་པའི་ཉམས་དང་བྲལ་ནས་རལ་གྲི་གནམ་གཡུག་གིས་ཨ་རིའི་མངའ་ཁོངས་ཀུམ(Guam)གླིང་ཕྲན་མེ་ཤུགས་འཕུར་མདས་གཏོར་བཅོམ་གྱི་འཆར་གཞི་བཀོད་ཀྱིན་ཡོད་ལུགས་བསྒྲགས་འདུག ཡང་ཉིན་གཉིས་ཀྱི་རྗེས་སུ། སྲིད་འཛིན་ཁྲོ་འབར་གྱིས་ཡང་བསྐྱར། མདའ་མོ་ལྟོང་ཁ་སྤྲད་ཡོད། དགྲ་བོ་སོ་བར་བླངས་ཡོད། གླེན་རྟགས་མ་སྟོན་མ་གཏོགས། ཐལ་དང་རྡུལ་དུ་གཏོང་ངེས། ཞེས་དཔའ་ངར་ངར་ཤོག་ཏུ་མི་སྡོད། གྲི་ངར་ངར་ཤུབ་ཏུ་མི་སྡོད་པའི་ངང་གིས་བྱང་ཀོ་རེ་ཡར་ཉེན་བརྡ་ཚ་བོ་བཏང་ཡོད་པ་རེད།

མདའ་མོ་ལྟོང་ཁ་སྤྲད། རལ་གྲི་ཤུབ་ནས་བཏོན་པའི་ཀུ་ཅོ་གཅིག་གིས་ལག་ཐུག་ཡོང་བའི་ཧ་ཅང་ཛ་དྲག་ཆེ་བའི་དུས་སྐབས་འདིར། བྱང་ཀོ་རེ་ཡའི་མནའ་འབྲེལ་རྒྱལ་ཁབ་རྒྱ་ནག་གིས་ལངས་ཕྱོགས་ཅི་ཞིག་འཛིན་མིན་ལ་མི་རྣམས་པས་དོ་སྣང་འཕར་མ་ཞིག་སྤྲད་ཡོད། དེ་དང་ཆབས་ཅིག ཨ་མེ་རི་ཀས་བྱང་ཀོ་རེ་ཡར་ལག་གང་སྔས་ཕམ་པར་རྒྱག་རྒྱུའི་འཐབ་ཇུས་དེ་འཐུས་མིན་ཡང་དོགས་གཞིའི་གནས་ཡིན། མུ་མཐུད་ཀློག

སྟོབས་ཤུགས་ལ་ཡིད་ཆེས་མེད་ན། སྤོབས་པ་དེ་གཡུག་རྐྱང་མ་གནང་།

IMG_3316
རྒྱ་གར་ནག་གི་མཐའ་སྲུང་དམག་འབྲོག་ལམ་ཁུལ་དུ་གདོང་ཐུག་གི་རྣམ་པ།

ཧི་མ་ལ་ཡ་རི་རྒྱུད་ཀྱི་ཁུག་སོ་ཞིག་ཏུ་འཁོར་ལམ་ཞིག་བཟོ་ཆོག་མིན་གྱི་གནད་དོན་ལ་ཐུག་ནས། རྡུལ་ཕྲན་མཚོན་ཆ་ཅན་གྱི་རྒྱལ་ཁབ་རྒྱ་གར་དང་རྒྱ་ནག་གཉི་ཀ་དཔའ་ངར་ངར་ཁོག་ལ་མི་ཤོང་། མཚོན་ངར་ངར་ཤུབས་ནས་མི་འདུག་པའི་ངང་ཚུལ་གྱིས་གཡུལ་འཐབ་ཀྱི་རྟ་གོན་ལ་ཞུགས། འདི་ནི ༡༩༦༢ ལོ་ནས་བསྟུད་མར་བྱུང་བའི་རྒྱ་གར་ནག་གི་ས་རྩོད་དུ་མའི་ཁྲོད་ཛ་དྲག་ཆེ་ཤོས་ཀྱི་མཐའ་མཚམས་སྲུང་དམག་གདོང་ཐུག་གི་དོན་རྐྱེན་དེ་ཡིན།འཁོར་ལམ་སྐྲུན་སའི་ས་ཁུལ་དེ་རྒྱ་ནག་གི་མངའ་ཁོངས་སུ་གཏོགས་ཀྱང་། ས་བབ་ཀྱི་ཆ་ནས་རྒྱ་གར་དང་། འབྲུག་ཡུལ། རྒྱ་ནག་གསུམ་པོའི་ས་མཚམས་ལ་ཁེལ་ཡོད། རྒྱ་གར་ནག་གི་མཐའ་སྲུང་དམག་མིའི་ཁ་གཏད་གདོང་ཐུག་གི་དོན་རྐྱེན་དེ་ཟླ ༦ པའི་ཚེས ༢༥ ཉིན་བྱུང་བ་རེད།

མུ་མཐུད་ཀློག

ཕོན་ཆེ་བའི་རྒྱལ་ཁབ་ཅིག ལོང་བ་ཞིག་ལ་སྐྲག་དོན་ཅི།

Screen Shot 2017-08-06 at 11.18.45.pngམི་ལོ ༢༠འི་རིང་ལྷ་སའི་ལོང་བའི་སློབ་གྲྭར་སློབ་སྟོན་གནང་མཁན་འཇར་མི་ནེའི་ལོང་བ་ལྕམ་སབ་རི་ཡ བསྟན་པེར་ཁེན(Sabriye Tenberken)ལགས་རྒྱ་ནག་གཞུང་གིས་མཐར་སྐྲོད་བཏང་འདུག

འཇར་མི་ནེའི་མིག་ཞར་བ་ཡིན་པའི་བོད་རིག་པ་བ་ལྕམ་སབ་རི་ཡ་ལགས་ཀྱིས་བོད་རང་སྐྱོང་ལྗོངས་ལྷ་ས་གྲོང་ཁྱེར་དུ་བྱིས་པ་ལོང་བའི་སློབ་གྲྭ་ཞིག་བཙུགས་ནས་ལོ ༢༠ ཕྱིན་ཡོད་ན་ཡང་། རྒྱ་ནག་གཞུང་གིས་བོད་རིག་པ་བ་དེ་རྒྱ་ནག་ནས་ཐོན་དགོས་པའི་བཀའ་རྒྱ་བཏང་ཡོད་པ་མ་ཟད། ཁོང་མོས་གསར་འཛུགས་གནང་བའི་བྱིས་པ་ལོང་བའི་སློབ་གྲྭ་དེའང་སྒོ་རྒྱག་རྒྱུར་ཐུག་ཡོད་པ་རེད། མུ་མཐུད་ཀློག

རྩ་འཛིན ༠༨ མ།

སྔོན་གླེང།

Screen Shot 2017-08-01 at 10.42.38.pngད་ལོ་ནི་རྒྱ་ནག་ཏུ་རྩ་ཁྲིམས་གཏན་འབེབས་བྱས་ནས་ལོ ༡༠༠། ༼   འཛམ་གླིང་འགྲོ་བ་མིའི་ཐོབ་ཐང་བསྒྲགས་གཏམ༽  སྤེལ་ནས་ལོ ༦༠། “དམངས་གཙོའི་རྩིག་པ”བྱུང་ནས་ལོ ༣༠ བཅས་ཀྱི་ལོ་འཁོར་ཡིན་ཞིང། དེ་བཞིན་དུ་རྒྱ་ནག་གཞུང་གིས༼   མི་སེར་གྱི་ཐོབ་ཐང་དང་ཆབ་སྲིད་ཐོབ་ཐང་རྒྱལ་སྤྱིའི་ཆིངས་ཡིག༽  ལ་རྟགས་བཙུགས་ནས་ལོ ༡༠འི་ལོ་འཁོར་ཡང་ཡིན། དུས་ཡུན་རིང་པོའི་མི་ཐོབ་གནོན་འཚེ་དང་དཀའ་ཚེགས་ཀྱག་ཀྱོག་ཆེ་བའི་འཐབ་རྩོད་ཁྲོད། རྟོགས་པ་ལས་སད་པའི་རྒྱ་ནག་གི་མི་སེར་ཚོས་ཉིན་རེ་བཞིན་གསལ་པོར་ཤེས་ནས་རྟོགས་པ་ཞིག་ནི། རང་དབང་དང། འདྲ་མཉམ། མི་ཐོབ་ནི་འགྲོ་བ་མིའི་ཐུན་མོང་གི་ཡོངས་ཁྱབ་རིན་ཐང་ཡིན་ཞིང། དམངས་གཙོ། སྤྱི་མཐུན། ཁྲིམས་སྲིད་ནི་དེང་རབས་ཆབ་སྲིད་ཀྱི་གཞི་རྩའི་ལམ་ལུགས་སྒྲོམ་གཞི་ཡིན། མུ་མཐུད་ཀློག

ཕུགས་བསམ་ལ་འཐིམ་པའི་མི་རིགས་ཀྱི་དཔའ་བོ།

————སྐུ་ཞབས་ལིའུ་ཞའོ་པའོ་ཡི་དགོངས་རྫོགས་ལ་བྲིས་པ།

 

34944776373_33fa91ca1f_b
སྐུ་ཞབས་ལིའུ་ཞའོ་པའོ།

ལིའུ་ཞའོ་པའོ་ཞེས་བཏགས་པའི་གདོས་བཅས་ཤ་ཁྲག་གི་ཕུང་པོ་དེ་སྤྱི་ལོ ༢༠༡༧ ལོའི་ཟླ ༧ ཚེས ༡༣ ཉིན། ཚེ་ཡི་འཕེན་པ་རྫོགས་ཏེ་སྡུག་བསྔལ་ལས་ཐར་བའི་ཚུལ་བསྟན་པས་ན།  སྨྲ་ཤེས་དོན་གོ་བ་ཚོས་མྱ་ངན་ལས་འདས་སོང་། འཁོར་བ་ལས་ཐར་སོང་། ལྷ་ཡུལ་ལ་འཕུར་སོང་། གཤེགས་སོང་། གྲོངས་སོང་། འདས་སོང་། ཤི་སོང་ཞེས་ང་ཚོ་དང་གཏན་ནས་བྲལ་བར་ངོས་འཛིན་བྱས་པ་རེད། ཡིན་ན་ཡང་། སྐུ་ཞབས་ལིའུ་ཞའོ་པའོ་ཡི་བསམ་བློའི་སྙིང་སྟོབས། བསམ་བློའི་རིན་ཐང་། བསམ་བློ་ཤུལ་རྫས། ད་དུང་ཁོང་གི་རླངས་ཆེན་གྱི་ཕུགས་བསམ་དེ་དུས་དང་ནམ་པ་ཀུན་ཏུ། འཇིག་རྟེན་ཉི་མའི་འོག གོ་ལ་ཟླུམ་པོའི་སྟེང་། ཀྲུང་ཡོན་ས་ཆེན་ཐོག བོང་རྒན་རྐང་གཉིས་རྒྱ་མི་ལས་གཞན་འགྲོ་བའི་ཁྲག་རྒྱུན་དུ། དུས་ནམ་ཡང་ཡལ་བ་མེད་པར་གསོན་པོར་གནས་ངེས་ཡིན། མུ་མཐུད་ཀློག

ཁ་སང་གི“རྒྱལ་ཁབ་གཅིག་ལ་ལམ་ལུགས་གཉིས” དང་དེ་རིང་གི“རྒྱལ་ཁབ་གཅིག་ལ་ལམ་ལུགས་གཅིག”



GP_HongKong
ཧོང་ཀོང་གི་མཚན་ལྗོངས།

མི་ལོ༢༠འི་ཡར་སྔོན་ཏེ། སྤྱི་ལོ༡༩༩༧ལོའི་ཟླ ༧ ཚེས ༡ ཉིན། རབས་མཐའི་སྤྱི་ཁྱབ་སྲིད་སྐྱོང་སྐུ་ཞབས་ཁི་རི་སི་ཕཱ་ཊེན(Chris Patten)ལགས་ཀྱིས་རྒྱ་ནག་གི་སྲུང་དམག་ལག་ནས་མར་ཕབ་པའི་དབྱིན་ཇིའི་རྒྱལ་དར་བླངས་ཏེ་ཧོང་ཀོང་མི་དམངས་ཁྲི་སྟོང་གི་མིག་གི་སྐྱེལ་མའི་ཁྲོད་རིམ་བཞིན་ཧོང་ཀོང་གླིང་ཚོམས་དང་ཁ་གྱེས་ནས་མཐའ་ཡས་རྒྱ་མཚོའི་ཀླུང་ནས་ཡལ།

ནམ་དཀྱིལ་ཆུ་ཚོད་གོར་ཐིག་ཆགས་པའི་སིང་སིང་ཅོང་བརྡའི་གདངས་དང་མཉམ་དུ་སྐར་ལྔའི་དར་དམག་ཧོང་ཀོང་ས་སྟེང་དུ་དལ་བ་དལ་བུས་བསྒྲེངས་པ་དང་ཆབས་ཅིག ཧོང་ཀོང་ལ་དུས་རབས་གཅིག་དང་ཕྱེད་ལྷག་རིང་དབྱིན་ཇིའི་མི་སེར་སྤེལ་ཡུལ་གྱི་དབང་བསྒྱུར་ལ་རྫོགས་ཚིག་བཀོད་ནས། ཧོང་ཀོང་དེ་དམིགས་བསལ་ས་ཁུལ་ཞིག་གི་ངོ་བོས“ལམ་ལུགས་གཉིས” ཀྱི་རྣམ་པས་རྒྱ་ནག་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་མངའ་ཁོངས་སུ་ཚུད། 

 མུ་མཐུད་ཀློག

ཀུའོ་ཝེན་ཀུས:ཡོད་ཚད་ཚང་མ་ད་ལྟ་གཞི་ནས་འགོ་ཚུགས་པ་རེད།

billionaire-businessman-guo-wengui-speaks-interview-new-york.
སྐུ་ཞབས་ཀུའོ་ཝེན་ཀུས།

སྤྱང་དར་མ་རྙི་ལས་ཤོར་འདྲའི་རྟ་རྒོད་རུ་ཤོར་ཀུའོ་ཝེན་ཀུས་ཀྱི་ལྐོག་མཚང་རྗེན་འབྱིན་གྱི་བྱ་སྤྱོད་དེ་འགོག་སླད། རྒྱ་ནག་གཞུང་གིས་ཞི་དྲག་གཉིས་ཀས། མངོན་ལྐོག་གཉིས་ཀས། ཕྱི་ནང་གཉིས་ཀས་ཐབས་ཤེས་ཡོད་རྒུ་འཐེན་ཡང་ད་བར་དུ་ཁོག་མེད་ལ། ཀུའོ་ཝེན་ཀུས་ཀྱི་ངང་ཚུལ་ལ་གཞིགས་ན། ཏང་གི་ཚོགས་ཆེན ༡༩ བའི་སྔོན་དུ་ཕལ་ཆེར་ཁོག་དཀའ་བ་འདྲ། ཚོགས་ཆེན ༡༩ པ་དེ་ད་ལོའི་སྤྱི་ཟླ ༩ བའི་ནང་འཚོགས་གཏན་ཁེལ་ཡོད་པ་དང་། ཀུའོ་ཝེན་ཀུས་ཀྱིས་སྤྱི་ཟླ ༨ པའི་ནང་རྒྱལ་སྤྱིའི་གསར་འགོད་གསལ་བསྒྲགས་ཆེན་མོ་འཚོགས་རྒྱུ་ཡིན་པ་གཏན་ཁེལ་དང་གསལ་བསྒྲགས་བྱས་ཟིན་པ་རེད།ལྐོག་གྱུར་ཕྱུག་བདག་ཀུའོ་ཝེན་ཀྱིས་སྤྱི་ཚོགས་སྨྱན་བྱད་བརྒྱུད་ནས་རྒྱ་ནག་དམར་གཞུང་གི་མཐོ་རིམ་དབུ་ཁྲིད་སྐོར་ཞིག་གི་ལྐོག་མཚང་བར་མེད་དུ་རྗེན་པར་ཕྱུང་དང་འབྱིན་གྱིན་པ་དེ། ཏང་གི་ཚོགས་ཆེན ༡༩ བའི་སྔོན་རྒྱ་ཡིག་སྨྱན་བྱད་གླིང་གི་དོ་སྣང་བྱེད་ཡུལ་ཆེ་ཤོས་སུ་གྱུར་ཡོད་ལ། ཀུའོ་ཝེན་ཀུས་རང་ཉིད་ཀྱི་བཤད་སྟངས་ལྟར་ན། རྒྱ་ནག་ནང་ལོགས་ཀྱི་ཇ་ཁ་ཆང་ཁའི་བརྗོད་གཞི་ཁོ་ན་རུའང་གྱུར་ཡོད་འདུག

མུ་མཐུད་ཀློག

ཆབ་སྲིད་བཙན་རྒྱལ་རིང་ལུགས་ཀྱི་རིག་གཞུང་བཙན་གནོན།

རྩོམ་པ་པོ། ཝང་ལེ་ཞོན།
འགྱུར། འབྲོག་མྱི།

Wang Lixiong
རྒྱ་རིགས་རྩོམ་པ་པོ་གྲགས་ཅན་ཝང་ལེ་ཞོན།

བཙན་རྒྱལ་རིང་ལུགས་ཀྱི་གྲགས་པ་ངན་པའི་ཁར། སྲིད་པའི་དཔལ་ཡོན་རྒྱས་པའི་ཡ་རབས་སྤྱི་ཚོགས་ཀྱིས་དེ་ལ་རྣམ་གཅོད་རྩིས་མེད་ངང་བསྒགས་སྟབས། ཀུན་པོའི་མཐོང་ཚུལ་ཐོས་ཚུལ་དུ་སྣང་བའི་མངའ་ཁོངས་རྒྱ་སྐྱེད་དང་རྒྱུ་ནོར་ཧམ་འཕྲོག་ཙམ་ནི་དེང་གི་བཙན་རྒྱལ་རིང་ལུགས་པའི་ངོ་གདོང་ངོ་མ་དེ་མིན། བཙན་བཟུང་དང་མི་སེར་སྤེལ་ཡུལ་སྔར་ལུགས་བཞིན་མུ་མཐུད་དུ་སྤེལ་མུས་སུ་ཡོད་ཀྱང་། ས་གནས་མི་རིགས་ལ་དམིགས་བསལ་སྲིད་ཇུས་སྤྲད་ལུགས་ཀྱི་ཕྱི་ཤུན་ཞིག་གིས་གཡོགས་ཡོད། དཔལ་འབྱོར་རོགས་སྐྱོར་ཡང་དེའི་ཁོངས་སུ་གཏོགས་ཤིང་། རང་ཉིད་ནི་དཔལ་ཡོན་གྱི་ཆ་ཡི་ཕུལ་བྱུང་བའི་ཉམས་འགྱུར་དང་དངོས་པོའི་ཆ་ཡི་གནང་སྦྱིན་པའི་བརྟུལ་ཞུགས་བཟུང་ཡོད།

མུ་མཐུད་ཀློག

མཚོ་སྔོན་དཔའ་ལུང་རྫོང་གི་དྲག་ཆས་ཉེན་རྟོག་པས་ཡི་རྩ་སྡེ་བའི་བོད་རིགས་མང་ཚོགས་ལ་ཁྲག་དྲི་བྲོ་བའི་དྲག་གནོན་བྱས་འདུག

Screen Shot 2017-06-03 at 21.10.41.png
ཡི་རྩ་སྡེ་མི་དང་བཱ་ཡན་རྫོང་གི་ཉེན་རྟོག་པས་ཁ་རྩོད་རྒྱག་བཞིན་པ།

མཚོ་སྔོན་མཚོ་ཤར་ཁུལ་དཔའ་ལུང་རྫོང་གི་དྲག་ཆས་ཉེན་རྟོག་པས་སྟག་ཚང་ཞང་ཡི་རྩ་སྡེ་བའི་བོད་རིགས་མང་ཚོགས་ལ་ཁྲག་དྲི་བྲོ་བའི་དྲག་གནོན་བྱས་འདུག

དཔའ་ལུང་ས་གནས་བོད་མི་ཞིག་ལས་གནས་རྒྱུས་ལོན་བྱས་ནས་ཤེས་རྟོགས་ལྟར་ན། སྤྱི་ཟླ ༦ ཚེས ༡ ཉིན། བཱ་ཡན་ནམ་དཔའ་ལུང་རྫོང་གི་རྫོང་དཔོན་མཱ་ཇིན་ཞིན(马金星)གྱིས་དྲག་ཆས་སྤྲས་པའི་དྲག་ཆས་ཉེན་རྟོག་པ་དང་། དམིགས་བསལ་ཉེན་རྟོག་པ། ཉེན་རྟོག་པ། འཛུགས་སྐྲུན་ལས་བཟོ་བ་དང་ཆུ་རྐ་རྐོ་སློག་བྱེད་སྤྱད་འཕྲུལ་འཁོར་སོགས་འབོར་ཆེན་ཞིག་འཁྲིད་ནས་དཔའ་ལུང་སྟག་ཚང་ཞང་ཡི་རྩ་སྡེ་བར་ཡོང་ནས། མུ་མཐུད་ཀློག