མིར་སེ་ཌེ་སི—བྷན་ཙི་ཡིས་ཁ་ཕྲེད་ཕྲེད་སྒྱིད་ཞ་ཞས་བླ་བཙོང་བ།

Screen Shot 2018-02-16 at 16.57.53
མིར་སེ་ཌེ་སི-བྷན་ཙིའི་རྟགས།

འཇར་མཱ་ནེའི་མིར་སེ་ཌེ་སི—བྷན་ཙི(Mercedes-Benz) ཁེ་ལས་ཁང་གི་དོ་སྣང་གིས་མ་འདང་བའི་པར་དང་ཡི་གེ་སྦྲགས་མའི་ཁྱབ་བསྒྲགས་ཞིག་གིས་རྒྱ་ནག་གཞུང་དམངས་གཉིས་ཀྱི་སྤྲོ་ཐུང་ཐུང་དང་ང་རྒྱལ་ཚ་བོ་ཡང་ཐེངས་གཅིག་ལ་སྟོབས་ཀྱིས་འབར་དུ་བཅུགས་ཡོད་ལ། རྒྱ་ནག་གཞུང་གི་དགོངས་དག་ཞུ་དགོས་པའི་དགོས་འདུན་མ་བཏོན་གོང་། བྷན་ཙི་རླངས་འཁོར་ཁེ་ལས་ཁང་གིས་རང་བཤེར་གྱི་ཚུལ་གྱིས་ཁྱབ་བསྒྲགས་ཆུང་ཆུང་དེ་དྲྭ་ངོས་ནས་བཀོག་སྟེ་ཡང་དང་བསྐྱར་དུ་དགོངས་དག་ཞུས་པའི་མ་ཚད། རྒྱ་ནག་གི་བདག་དབང་ལ་འགྲན་ཟླ་སློང་འདོད་མེད་ལུགས་དང་རྗེས་ཕྱོགས་སུ་རྒྱ་ནག་གི་བདག་དབང་ལ་གཏོར་བརླག་རིགས་ཀྱི་བྱ་སྤྱོད་མཐའ་དག་ལ་རྒྱབ་སྐྱོར་མི་བྱེད་ཅེས་དམ་བཅས་ནས། མདོར་ན་འཆི་བ་མིན་པའི་གཞན་ཐམས་ཅད་ཁས་བླངས་ཡོད་པ་རེད། འོན་ཀྱང་། ༧སྤྱི་ནོར༧གོང་ས་རྒྱལ་བ་རིན་པོ་ཆེ་མཆོག་གི་ཞལ་གདམས་ལེགས་བཤད་ཚིག་རྐང་གཅིག་བཀོལ་པ་དེ་རྒྱ་ནག་གི་རྒྱལ་ཁབ་བདག་དབང་དང་འབྲེལ་བ་ཇི་ལྟར་ཆགས་པ་མི་རྣམ་པའི་བློས་དཔོག་དཀའ་བའི་གནས་སུ་གྱུར། མུ་མཐུད་ཀློག